Noguèra Palharesa
  | |
 | |
| Tipe | Cors d'aiga e riu |
|---|---|
| Localizacion | |
| Estat | Espanha |
| Unitat administrativa | Val d'Aran, Palhars Sobeiran, Palhars Jusan e Noguera |
| Còta iniciala | 1 875 m |
| Còta finala | 255 m |
| Boca | Segre |
| Bacin idrografic | bacin d'Èbre |
 | |
| Donadas | |
| Dimensions | 154 ( ) km |
| Mesura e indicadors | |
| Debit | 37,1 m³/s |
La Noguèra Palharesa[1] (en aranés: [nuˈɣɛɾa paʎaˈɾeza]) es una aiga de Val d'Aran e Catalonha, afluent de Segre que fa 154 km de long.
Nais al Plan de Beret, en Val d'Aran, a qualques mètres de la font de Garona, e, a la diferéncia del sieu riu fraire, que se dirigís cap a Occitània e l'Ocean Atlantic, la Noguèra Palharesa se dirigís cap al sud, e travèrsa los dos Palhars, que n'es istòricament l'ais de comunicacion principal e ont ven l'articulador de la vida d'aquestas comarcas. D'en primièr raja pel Palhars Sobeiran, puèi travèrsa lo congòst de Collegats, pel Palhars Jusan. Recep lo riu de Flamisell per la drecha pauc après de passar la vila de la Pobla de Segur, dins la restanca de Sant Antòni o de Susterris. Passada aquesta primièra paissièra, contunha son cors pròche de la vila de Tremp, e tròba tornarmai una restanca pròche del vilatge de Cellers. Immediatament après dintra dins la clusa de Terradets, luòc per ont travèrsa la sèrra de Montsec. Se geta dins Segre sus sa riba drecha paucs quilomètres après d'abandonar las comarcas que li donan lo nom.
Referéncias
[modificar | Modificar lo còdi]- ↑ Institut d’Estudis Aranesi-Acadèmia aranesa dera lengua occitana. Nomenclator dera Val d'Aran, p. 17. ISBN 978-84-393-9911-7.