Marwan II
Marwan II (entre 688 e 691, Siria - 6 d'aost de 750, Fustat) es un califa omeia que reinèt dau 12 de setembre de 744 au 6 d'aost de 750. Succediguèt a Ibrahim (octòbre-decembre de 744) e foguèt reversat per la revòuta deis Abbassidas.
Biografia
[modificar | Modificar lo còdi]
Felen dau califa Marwan Ièr (684-685), Marwan II foguèt nomat governaire d'Armenia e d'Azerbaitjan en 732. Menèt divèrsei campanhas dins la region còntra lei Cazars e s'opausèt ai temptativas de còps d'Estat dins un Califat Omeia en declin. Pasmens, en 744, reversèt lo califa Ibrahim e prenguèt lo poder per fòrça. Deguèt rapidament luchar còntra de revòutas dins mai d'una region dau Califat en causa de l'impopularitat deis Omeias. Esitant a quitar Siria per reprimir una importanta insureccion en Corasmia, concentrèt sei fòrças sus la represa de vilas pus centralas coma Homs. Dins aquò, aquela estrategia permetèt ais Abbassidas de prendre lo contraròtle dei rebèls de Corasmia e d'avançar en direccion de Mesopotamia onte leis Omeias èran a combatre una insureccion en Iraq. En 750, Marwan II foguèt ansin durament batut a la batalha dau Grand Zab e Damasc foguèt conquistada per leis Abbassidas. Marwan II s'enfugiguèt alora en Egipte per i organizar sa resisténcia, mai foguèt assassinat. Puei, leis Abbassidas exterminèron la màger part deis Omeias e lo cap de la dinastia se proclamèt califa sota lo nom d'As-Saffah (750-754).
Annèxas
[modificar | Modificar lo còdi]Liames intèrnes
[modificar | Modificar lo còdi]Bibliografia
[modificar | Modificar lo còdi]- (en) Gerald R. Hawting, The First Dynasty of Islam : The Umayyad Caliphate AD 661-750, Routledge, 2000.
- (fr) Tabari (trad. Hermann Zotenberg), La Chronique : Histoire des prophètes et des rois, vol. II, Arle, Actes Sud, coll. « Sindbad ».