Luminància

Dins lo domeni de la fotometria, la luminància es la densitat angulara e superficiala del flux luminós que incidís, travèrsa o emergís d'una superficia seguent una direccion determinada. Se pòt tanben definir coma la densitat superficiala d'intensitat luminosa en una direccion donada.

La definicion anteriora se formalizava amb l'expression seguenta:

${\displaystyle L_{V}={\frac {d^{2}F}{dSd\Omega \cos \theta }}}$

ont:

• L_V es la luminància, mesurada en candelas per mètre carrat (cd/m²).
• F es lo flux luminós, en lumens.
• dS es l'element de superficia considerat, en mètres carrats.
• dΩ es l'element d'angle solid, en estereoradiants.
• θ es l'angle entre la normala de la superficia e la direccion considerada.

La luminància se definís a partir de la magnitud radiometrica de la radiància sens mai que ponderar cada longor d'onda per la corba de sensibilitat de l'uèlh. Atal, se L_V es la luminància, L_λ representa la radiància espectrala e V(λ) simboliza la corba de sensibilitat de l'uèlh:

${\displaystyle L_{V}=K\int _{visible}^{\ }L(\lambda )V(\lambda )\,d\lambda }$

D'un biais non rigorós, se pòt considerar que l'equivalent psicologic de la luminància es la "brilhantor". Per exemple, considerant lo cas de l'emission o reflexion de lutz per partida de superficias planas e difusas, la luminància indicariá la quantitat de flux luminós que l'uèlh percebriá per a un punt de vista particular. En aquel cas, l'angle solid que interèssa es lo sostengut per la pupilla de l'uèlh.

En una transmission de senhal de vidèo, la luminància es lo compausant que codifica l'informacion de luminositat de l'imatge. En tèrmes generals, es fòrça similara a la version en blanc e negre de l'imatge original. Luminància e crominància son las partidas de la codificacion de vidèo dels estandards de TV NTSC e PAL, entre autres.

La luminància s'utiliza dins l'industria de la vidèo coma mesura de la brilhantor dels ecrans de television o d'ordinator. Un ecran classic d'ordinator emet entre 50 e 300 cd/m². Lo solelh a una luminància de prèp de 1,6·10⁹ cd/m² a miègjorn.^[1]

1. ↑ [url=https://web.archive.org/web/20100823225622/http://www.nfsa.gov.au/preservation/audiovisual_terms/audiovisual_item.php?term=Luminance] Luminénce

• Tinta
• Saturacion