Jean-Marie Leclair
Jean-Marie Leclair (Lion, lo 10 de mai de 1697 – París, lo 22 d'octobre de 1764) que ho un dançaire, un compositor e un violonista francés d'estil barròc. Que possediva un vriulon stradivarius qui pòrta uei son nom.
Hilh d'un dentelièr, qu'estudiè aqueth mestièr dab lo son pair, puish la dança e lo vriulon a Lion e après a Turin dab Giovanni Battista Somis. Que ho tanben mèste de ballet dens aquesta darrèra ciutat.
En 1716 qu'esposè la hilha d'un mercadèr de liquor de Lion, puish, veude, que's tornè maridar en 1730 dab Louise Roussel (la soa estampaira).
Qu'avó ua carrièra europèa e que ho musician deu Rei Loís XV de França (en 1734) e tanben deu duc de Gramont. La soa rivalitat dab lo violonista Jean-Pierre Guignon que marquè lo son passatge per l'orquèstra deu Rei e qu'ei reputada com l'encausa deu son despartir.
Lo son unic opèra Glaucus et Scylla que ho empontat en 1746.
Que ho assessinat dens condicions escuras dens lo quartièr dangerós (rue du Carême-Prenant) on vivèva e a maugrat qui lo duc de Gramont e'u volèva mudar hens ua demòra mei segura. Lo son nebot François Guillaume Vial que ho lo principau suspècte de l'inspector Hubert Receveur e deu comissari Thiot mes non ho pas inculpat. La veuda (qui segon Borowitz semblava entretiéner relacions extranhas dab Vial e qui semblava chic afectada peu decès deu son espós) que venó lo vriulon conegut desempuish com lo stradivarius de Leclair uei .
Òbras
[modificar | Modificar lo còdi]- Opus 1 : Premier Livre de sonates (1723)
- Opus 2 : Deuxième Livre de sonates (1728)
- Opus 3 : Sonates à deux violons sans basse (1730)
- Opus 4 : Six Sonates en trio pour deux violons et basse continue (1731-1732)
- Opus 5 : Troisième Livre de sonates (1734)
- Opus 6 : Première Récréation de musique d’une exécution facile composée pour deux flûtes ou deux violons (1736)
- Opus 7 : Six Concerti à trois violons, alto et basse, pour organo et violoncelle (1737)
- Opus 8 : Deuxième Récréation de musique d’une exécution facile pour deux flûtes ou deux violons (1737)
- Opus 9 : Quatrième Livre de sonates (1743)
- Opus 10 : Six Concerti à trois violons, alto et basse, pour organo et violoncelle (1745)
- Opus 12 : Second Livre de sonates à deux violons sans basse (1747-1749)
- Opus 13 : Trois Ouvertures et trois Sonates en trio pour deux violons (1753)
- Opus 14 : Trio pour 2 violons et basse continue (1766)
- Opus 15 : Sonate pour violon et basse continue (1767)
- Scylla et Glaucus, tragédie en musique (1746)
Ligams extèrnes
[modificar | Modificar lo còdi]- [1] Sus youtube.com, Leonid Kogan en duo interpretant ua sonata Op. 33 de Leclair.
- Borowitz, Albert. Finale Marked Presto: The Killing of Leclair . The Musical Quarterly, Vol. 72, No. 2 (1986), pp. 228-238. Oxford University Press (disponible en linha sus JSTOR).
