Empencha

En fisica, l' empencha es una fòrça de reaccion descrita quantitativament per las segonda e tresena leis de Newton. Quora un sistèma expulsa o accelera una massa dins una direccion, la massa accelerada va produire una fòrça de meteissa intensitat mas dins un sens opausat.

En aeronautica, l'empencha es la fòrça de traccion generada per un ensemble motopropulsor que pòt èstre un motor de reaccion o un ensemble motor-eliç.

Una fusada es propulsada endavant per una fòrça d'empencha egala en magnitud, mas opausada en direccion, a la quantitat de movement dels gases accelerats de la cambra de combustion cap a la tuvièra. L'impulsion especifica de la fusada, es foncion del temps al qual la massa es expulsada, siá en tèrmes matematics:

${\displaystyle \mathbf {T} =\mathbf {v} {\frac {dm}{dt}}}$

ont T (thrust en anglés) es l'empencha generada (fòrça), ${\displaystyle {\frac {dm}{dt}}}$ es lo rapòrt (ratio) de cambiament de massa respècte al temps (mass flow rate of exhaust), e v es la velocitat dels gases expulsats mesurada respècte a la fusada.