El Dorado

El Dorado―que significa literalament "lo daurat" en castelhan―es un endrech mitic d'America dau Sud, generalament situat dins la Seuva Amazonica, qu'es supausat regorgar d'aur e de richessas. Son origina es probablament eissida dau racònte d'un viatge de Francisco de Orellana (mòrt en 1545) realizat per Gaspar de Carvajal. L'explorator èra estat fòrça impressionat per lei richessas dei Muiscas, un pòble de la region de Bogotà. Puei, la legenda foguèt amplificada e difusada per de conquistadors ambé la descubèrta dei tesaurs pilhats en Mesoamerica e dins leis Andes. Fins au començament dau sègle XX, entraïnèt l'organizacion de mai d'una expedicion que permetèron de reconóisser lei seuvas e lei montanhas sud-americanas.

• Ciutats d'aur, mite similar.
• Conquistador.

• (en) Charles Nicholl, The Creature in the Map: A Journey to El Dorado, 1995.