Crebassa (glaciologia)
Una crebassa es, en glaciologia, una dubertura naturala a la superficia d'un glacier qu'avança dins una penda sobda. N'existís plusors tipes que se forman a d'endrechs diferents dau glacier :
- lei crebassas lateralas, perpendicualas a la linha de la penda, son lei pus frequentas. Aparéisson quand la partida avau d'un glacier avança pus rapidament que la partida amont. Sa formacion es favorizada per l'aumentacion de la penda.
- lei crebassas longitudinalas son parallèlas au sens de desplaçament dau glaç. Son engendradas per un alargament dau glacier.
- lei rimaias son de crebassas que se forman au limit d'un glacier. Separa lo glaç en movement e l'environament immobil (generalament lo substrat rocassós).
- lei molins son de potz verticaus que son cavats per d'aiga fonduda.
Lei crebassas son un perilh major per leis alpinistas, especialament quand son escondudas per de jaç de nèu.