Comuna francesa

En França, la comuna es una division territoriala, la circonscripcion administrativa e collectivitat territoriala mai pichona del territòri. Una comuna correspond generalament al territòri d'una vila o d'un vilatge. Sa superfícia e sustot sa populacion pòdon variar considerablament (la pus poblada, París, possedís mai de dos milions d'abitants, las mens pobladas un (Ròchaforchaa, en Occitània) o zèro. Çaquelà, las comunas de París, Lion e Marselha son de comunas francesas subdevesidas en arrondiments. E existisson las seccions comunalas e las comunas delegadas.

Al 1èr de genièr de 2019, existissiá 34 968 comunas en França (dont 129 otramar) que cobrissián l'integralitat del territòri francés (a l'excepcion de Wallis e Futuna e de qualques territòris sens populacion permanenta), çò que representa environ la mitat del nombre total de comunas dins l'Union Europèa.

La lista seguenta recapitula lo nombre de comunas per departament o comunautat d'otramar. D'un biais general, los departaments situats al nòrd e a l'èst de França comptan mai de comunas que los situats al sud e a l'oèst. Los departaments e comunautats d'otramar tanben son largament mens devesits que los de la França metropolitana. Enfin, París e los departaments de sa pichona corona, del fach de lor talha pichona, ne còmptan fòrça mens.