Abric de Cròsmanhon

L'abric de Cròsmanhon es un site preïstoric situat a las Aisiás de Taiac e Siruèlh, dins la val de Vesera, en Sarladés, dins la region istorica de Peiregòrd e lo departament de Dordonha. Es lo site eponim de l'òme de Cròsmanhon. En mai de las sepulturas, i son estats trobats d'elements de pimpa atribuits a l'Aurinhacian o al Gravetian e d'ustensilhas de silex.

Lo primièr element est l'occitan cròs, d'origina celtica probabla pr'amor de sa reparticion geografica, mas sense correspondent coneissut^[1]. Manhon poiriá èsser un nom de persona; mas se Manhe es un patronime frequent (d'origina germanica : Magno), lo diminutiu Manhon sembla pas atestat ^[2]. N.B. Magnou es un patronime coneissut, mai que mai en Perigòrd ^[3].

1. ↑ Pierre Yves Lambert, La Langue gauloise, ed. Errance, edicion 2003, p. 196
2. ↑ Chantal Tanet et Tristan Hordé, Dictionnaire des Noms de Lieux du Périgord, ed. Fanlac, segonda edicion, 2000, p. 153
3. ↑ https://www.filae.com/nom-de-famille/MAGNOU.html