Wadi Qelt

Wadi Qelt
dal
Nahal Prat-elva
Land	Dei palestinske territoria
Guvernement	Jeriko guvernement
Koordinatar	31°50′40″N 35°24′51″E / 31.844316°N 35.414257°E / 31.844316; 35.414257
Wadi Qelt 31°50′39″N 35°24′51″E / 31.8443°N 35.4143°E / 31.8443; 35.4143
Kart som viser Wadi Qelt.
Wikimedia Commons: Wadi Qelt

Wadi Qelt (arabisk وادي القلط; òg: Wadi al-Qult, Wadi el-Qult, Wadi Kelt, Wadi Qilt eller Wadi Qult) eller Nahal Prat (hebraisk skrift נחל פרת) er ein dal («wadi»; arabisk وادي wādī) eller elv («nahal»; hebraisk skrift נחל) som renn vest til austgjennom Judeaørkenen på Vestbreidda. Ho spring ut nær Jerusalem og endra nær Jeriko, nær Daudehavet.

Wadi Qelt har ein unik variasjon i plante- og dyreliv. St. Georg-klosteret og ei av dei eldste synagogene i verda, Shalom Al Yisrael-synagoga, ligg i Wadi Qelt, som er identifisert som den bibelske «Perat», nemnt i Jeremia 13:5.^[1]

Det ligg mange kloster og gamle kristne stader i Wadi Qelt. Ein har funne fleire akveduktar langs elva, den eldste datert attende til hashmoneiske tida (100-talet fvt.).^[2] Ein trur at Wadi Qelt-synagoga, bygd som ein del av eit hashmoneisk, kongeleg vinterpalass, er ei av dei eldste synagogene i verda.^[3][4] Staden var heimstad for vinterpalassa til dei hashmoneiske kongane og Herodes den store.^[5]

Qubur Bani Isra'in er ein stor steinstruktur som stig opp frå eit steinete platå oppom Wadi Qelt.^[6]

Området var okkupert av Israel i 1967, og delar av dalen vart då erklært eit naturreservat, Nahal Prat naturreservat.^[7] Den 20. desember 1968 vart den israelske oberstløytnanten Zvi Ofer drepen i kamp i Wadi Qelt, medan han forfølgde arabiske militante som hadde kryssa Jordanelva. Han leia eliteeininga Haruv, og var tidlegare militærguvernør i Nablus og mottok ein israelsk æresmedalje.^[8]

• Jordandalen

• Stader i Bibelen