Valence

Valence
Byvåpenet til Valence
Styresmakter
Land Region Departement	Frankrike Auvergne-Rhône-Alpes Drôme
Geografi
Flatevidd	36,69 km²
Flatevidd  - By	36,69 km²
Innbyggjarar  - By (1999)    - folketettleik	64 260   1 751/km²
Koordinatar	44°56′00″N 04°53′30″E / 44.93333°N 4.89167°E / 44.93333; 4.89167
Høgd over havet	123 m
Tidssone	CET (UTC+1)
Diverse anna
Heimeside: www.mairie-valence.fr
Plassering

Valence er ein by og kommune søraust i Frankrike og prefecture (hovudstad) i departementet Drôme, ved den venstre breidda av Rhône. Han ligg om lag 100 km sør for Lyon langs jernbanelinja til Marseille. Byen har om lag 65 000 innbyggjarar, som vert kalla valentinois.

Tidlegare var byen kjend som hertugdømet Valentinois, styrt av Hertugen av Valentinois, ein tittel som Fyrsten av Monaco framleis har, sjølv om han ikkje har noko administrativ kontroll over området.

Byen var i romartida kjend som Valentia Julia og var hovudstad i Segalauni og sete for ein lovprist skule før den romerske erobringa. Han vart ein koloni under Keisar Augustus, og vart ein viktig by i Viennensis Prima under Valentinian I. Byen var sete for eit bispedøme kanskje så tidleg som på 300-talet. Ataulf omleira og erobra Jovinus ved Valentia i 413. Byen fall så inn under styret til burgundarane, frankarane, maurarane, fyrstedømet Arles, keisarane i Tyskland, grevane av Valentinois, grevane av Toulouse, i tillegg til sine eigne biskopar, som kjempa for å halde kontroll over byen dei hadde vunne på 400-talet. Desse biskopane var ofte i konflikt med innbyggjarane og grevane av Valentinois. For å styrke kampen mot desse grevane slo paven i 1275 saman bispedømet med Die.

Innbyggjarane vart derimot verna av dauphinen (den franske kronprinsen), og i 1456 fekk dei av Louis XI dei same rettane og privilegiane som resten av Dauphiné. Biskopane gav seg dermed på det. På 1500-talet vart Valence eit senter for protestantisme i provinsen i 1563. Det vart bygd festningsverk i byen av Kong Frans I. Byen vart sete for eit lovprist universitet på midten av 1400-talet, men opphevinga av Ediktet i Nantes i 1685 gjekk hardt ut over industrien, handelen og busetnaden i byen.

Hovudnæringen til Valence er i dag metallurgiske produkt, tekstilar, lærvarer, smykker og krigsmateriell, og er òg eit foredlings- og handelssentrum for det omliggande jordbruksområdet.

Nokre høgteknologiske selskap har slått seg ned i Valence, som Thalesgruppa, Crouzet/Schneider, Alcatel og Ascom Monetel.

• Offisiell turistside Arkivert 2005-01-03 ved Wayback Machine.