Tremolo

Tremolo er i musikk ein særs rask repetisjon av ein tone, med visse unntak byte mellom to tonar. På ein fiolin er tremolo ein vanleg spelestil for å gjere tonen kjenslemessig og på mandolinen er tremolo den vanlegaste spelestilen.

Tremolo-teknikken vert òg ofte nytta av gitaristar og bassistar innan den ekstreme metallmusikken.

Fysisk er tremolo ein amplitudemodulering av ein tone, til skilnad frå vibrato som er frekvensmodulering av tonen.