Thorbjørn Berntsen

Thorbjørn Berntsen
	Thorbjørn Berntsen
	; Thorbjørn Berntsen i 2007 Foto: Harry Wad
Fødd	13. april 1935 (89 år); Aker kommune
Statsborgar av	Noreg
Parti	Arbeidarpartiet
Yrke	politikar, røyrleggjar
Alle verv	vararepresentant til Stortinget (1965–1969); Norsk miljøvernminister (1990–1997); vararepresentant til Stortinget (1969–1973); vararepresentant til Stortinget (1973–1977); stortingsrepresentant (1977–1981); stortingsrepresentant (1981–1985); stortingsrepresentant (1985–1989); stortingsrepresentant (1989–1993); stortingsrepresentant (1993–1997); stortingsrepresentant (fast møtande vararepresentant, 1971–1972); stortingsrepresentant (fast møtande vararepresentant, 1973–1977) ;

Thorbjørn Berntsen (fødd 13. april 1935) i Aker kommune (no Oslo), er ein norsk tidlegare politikar frå Arbeidarpartiet. Han var i mange år stortingsrepresentant, og var også nestleiar i Arbeidarpartiet. Han var statsråd og sjef for miljøverndepartementet (miljøvernminister) 1990–1997.

Thorbjørn Berntsen var stortingsrepresentant frå 1977 til 1997 for Oslo, men møtte allereie som vararepresentant i 1971. Han blei nestleiar i Arbeidarpartiet i 1989.

Før han blei heiltids politikar arbeidde Berntsen som skips røyrleggjar på Nylands verksted i åra 1951-1966, og er såleis ein av dei relativt få sentrale Ap-politikarane i nyare tid som har bakgrunn som industriarbeidar.

Som miljøvernminister blei Berntsen kjend som ein arg motstandar av det britiske atomanlegget Sellafield. Det vekte internasjonal oppsikt då han kalla den britiske kollegaen John Gummer for ein «drittsekk» i samband med ein disputt om sur nedbør og Sellafield-anlegget. Berntsen kom med karakteristikken på norsk, men utsegna blei av engelske aviser omsett med «John Gummer is the biggest shitbag I have ever met».

I fylgje Herbjørn Sørebø var det Berntsen som fyrst nytta omgrepet «å skriva overtid med gaffel».^[1]

I 2006 blei han tildelt æresprisen «Bypatrioten» av Oslo Byes Vel.

Bibliografi

Berntsen, Thorbjørn: Atomvåpen og usikkerhetspolitikk, Tiden Oslo 1980
Berntsen, Thorbjørn: Klar tale. Fra dokk til ting, Oslo 1988
Trond Hansen, Stein Bjørge, Yngve Hågensen og Thorbjørn Berntsen: Stemmer fra jernalderen, Schibsted Oslo 2005

Referansar

↑ H. Sørebø, Tapte jomfruer, Det norske samlaget, 1987.

Bakgrunnsstoff

Tor Edvin Dahl: «Bygutten som var fra landet» (intervju med Torbjørn Berntsen), i Tor Edvin Dahl: Oslo - barndommens by, Gyldendal Oslo 2000
«Thorbjørn Berntsen». Stortinget.no.

Denne artikkelen er ei spire. Du kan hjelpe Nynorsk Wikipedia gjennom å utvide han.

[1] H. Sørebø, Tapte jomfruer, Det norske samlaget, 1987.

[1]