The Guitar Man
| The Guitar Man Singel av Bread frå albumet Guitar Man | ||
| Utgjeve | 1972 | |
| Sjanger | Rock, softrock[1] | |
| Lengd | 3:46 | |
| Selskap | Elektra | |
| Låtskrivar(ar) | David Gates | |
|---|---|---|
| Produsent | David Gates | |
«The Guitar Man» er ein song skriven av David Gates og spelt inn av gruppa hans, Bread. Songen kom først ut på albumet Guitar Man i 1972. Songen er ei blanding av softrock, med strykarar og akustisk gitar, i tillegg til elektrisk gitar med wah-wah-effekt, spelt av Larry Knechtel. Singelen nådde 11. plassen på Billboard Hot 100-lista i USA og den tredje førsteplassen deira på easy listening-lista,[2] (etter «If» og «Baby I'm-a Want You»).
Melodien til songen er kompleks og det vert nytta 12 forskjellige akkordar, som er heller uvanleg for ein popsong.
Songen har sidan blitt spelt inn av David J i 2003 på albumet Estranged, Cake i 2004 på albumet Pressure Chief, Starflyer 59 i 2007 på vinylsamlinga Ghosts of the Future og av Bobby Bare jr. på EPen American Bread. Hank Marvin gav ut albumet Guitar Man med ein versjon av denne songen.
I 2012 spelte Wreckless Eric og Amy Rigby inn ein versjon av songen for veldedigheitsplata Super Hits of the Seventies for radiostasjonen WFMU.
Medverkande
[endre | endre wikiteksten]- David Gates - vokal, bass
- James Griffin - gitar, klaverinstrument
- Larry Knechtel - klaverinstrument, sologitar
- Mike Botts - trommer
Kjelder
[endre | endre wikiteksten]- Denne artikkelen bygger på «The Guitar Man» frå Wikipedia på engelsk, den 2. februar 2015.
- Wikipedia på engelsk oppgav desse kjeldene:
- ↑ Soft Rock Music - What is Soft Rock? - Oldies Music Songs and Artists
- ↑ Whitburn, Joel (2002). Top Adult Contemporary: 1961-2001. Record Research. s. 39.