Stig Sollander

Stig Sollander
Statsborgarskap	Sverige
Fødd	25. juni 1926 Frösö församling
Død	12. desember 2019 (93 år) Frösö
Yrke	alpinist
Språk	svensk
Stig Sollander på Commons

Stig Oskar Sollander (fødd 25. juni 1926) er ein svensk tidlegare alpin skirennar frå Frösön i Jämtland. Han vann OL-bronse i slalåm i 1956, og sikra seg bronsemedaljar i VM-kombinasjon både i 1954 og 1956.

Sollander deltok i Vinter-OL 1948, og kom langt ned på resultatlista. Langt betre gjekk det i dei neste vinterleikane, i Oslo i 1952, der han vart nummer fem i slalåm og kom på delt sjetteplass i storslalåm.

Under VM i alpine greiner 1954 i heimlandet, vart Sollander nummer sju både i slalåm og storslalåm, og nummer ni i utfor. Samla gav desse prestasjonane han bronsemedaljen i kombinasjonen. To år seinare fekk han ein ny VM-bronse i kombinasjonen, ei øving som var basert på tidene i dei ordinære øvingane under Vinter-OL 1956 i Cortina d'Ampezzo. Til grunn for kombinasjonsresultatet låg mellom andre Sollander si sterke tid i OL-slalåmen, ei tid som gav han bronsemedaljen i slalåm, den fyrste olympiske alpin-medaljen til ein svensk utøvar.

Han la bort konkurranseskia i 1958.