Songen South of the Border (1939)

«South of the Border» er ein populær amerikansk song som skildrar ein tur til Mexico, skriven av Jimmy Kennedy og Michael Carr. Songen kom ut i 1939 for filmen South of the Border med countrystjerna Gene Autry.^[1]

I teksten ser ein mann attende med anger og smerte for å ha lyge til ei kvinne han ikkje kan gløyme - «...and now as I wander, my thoughts ever stray...». Han kjem attende til ho for seint og oppdagar at ho har blitt ei nonne.^[2] Teksten er mykje meir nedtont enn musikken, som svintar av glede.

Songen vart ein hit i 1939 for Shep Fields, med vokal av Hal Derwin.^[3] Andre suksessrike innspelingar i 1939 var av Guy Lombardo, Gene Autry, Ambrose med vokal av Denny Dennis og Tony Martin.^[4]

Frank Sinatra spelte inn songen 30. april 1953^[5] for Capitol Records og nådde 18. plassen på Billboard-lista.^[6]

Medlemmar av Western Writers of America valde songen som ein av dei 100 beste western-songane gjennom tidene.^[7]

• Al Bowlly innspelt 11. mai 1939
• Acker Bilk -på albumet Clarinet Moods - 2002^[8]
• Bing Crosby på albumet hans Bing Crosby's Treasury - The Songs I Love - 1965
• Chuck Berry på albumet Chuck Berry (1975), med nokre endringar i teksten
• Dean Martin for albumet Dino Latino - 1962
• Engelbert Humperdinck for albumet The Winding Road - 2007^[9]
• Fats Domino på albumet hans Here He Comes Again! - 1963^[10]
• Frankie Laine - 1953^[11]
• Gale Storm - på singel^[12] og på albumet Gale Storm Sings - 1957^[13]
• Herb Alpert for albumet South of the Border - 1964
• Keely Smith for albumet Keely Sings Sinatra - 2001^[14]
• Malcolm Vaughan - på EP-en Requests for Malcolm Vaughan - 1960^[15]
• Mel Tormé - på albumet ¡Olé Tormé!: Mel Tormé Goes South of the Border with Billy May - 1959
• Patsy Cline - på albumet Showcase - 1961
• Patti Page - innspelt for albumet Let's Get Away from It All - 1957^[16]
• Perry Como innspelt for albumet We Get Letters - 1957
• Russ Conway - for albumet Piano Requests - 1958^[17]
• Sam Cooke - på albumet Cooke's Tour - 1960
• The Shadows - for albumet Out of the Shadows - 1962
• Slim Whitman - på albumet In Love the Whitman Way - 1968^[18]
• Willie Nelson - for albumet Let's Face the Music and Dance - 2013

Tola (Torleif Larssen) har skrive ein norsk tekst og Øystein Sunde har skrive ein meir humoristisk norsk tekst. Versjonen til Tolas heiter «Sollyse dager ved Mexicos strand», medan Sunde sin versjon heiter «Saus over bordet».