Sigurd Allern

Sigurd Allern
Statsborgarskap	Noreg
Fødd	5. september 1946 (78 år) Sandnessjøen
Yrke	politikar, professor, redaktør, journalist
Politisk parti	Raud Valallianse
Ektefelle	Hilde Haugsgjerd, Ester Pollack
Sigurd Allern på Commons

Sigurd Allern (fødd 5. september 1946) er ein norsk journalist, politikar og medieforskar, fødd i Sandnessjøen. Allern var ansvarleg redaktør for Klassekampen i to periodar, 1969–1972 og 1979–1995.^[1] Han er mag.art. i sosiologi frå Universitetet i Oslo (1974) og dr.polit. i medievitskap frå Universitetet i Bergen (1997). I 2003 vart han den fyrste professoren i journalistikk ved Universitetet i Oslo. Sidan 2007 har han òg vore professor II ved Høgskulen i Volda, og i 2008 fekk han som fyrste nordmann eit gjesteprofessorat ved Universitetet i Stockholm.^[2] Frå 2003 til 2006 arbeidde han som forskar ved Institutt for journalistikk i Fredrikstad.

Sigurd Allern vart fødd og voks opp i Sandnessjøen, som son av Edith Berg Allern og Ole Allern.^[3] Han vart sidan ein sentral person i oppstarten av Arbeidernes Kommunistparti, AKP(-ml), på byrjinga av 1970-talet, og han var leiar frå 1973 til 1975. På same tid var han leiar av Raud Valallianse, som på den tida fungerte som valfronten til AKP(-ml), fordi Arbeidarpartiet og Norges Kommunistiske Parti hadde hindra AKP å stille til val i eige namn, med referanse til namnelikskapen. Tidlegare hadde han vore leiar i Sosialistisk Ungdomsforbund (1967–1968).

Sigurd Allern har også skrive fleire bøker, mellom desse Kildenes makt (1992), Når kildene byr opp til dans (1997), Flokkdyr på Løvebakken? (2001) og Nyhetsverdier (2001).

• 1975: Kinas utenrikspolitikk (saman med Jahn Otto Johansen og Erik Solheim). Oktober, Oslo. ISBN 82-7094-979-5
• 1988: Møkkagraverne & den kritiske tradisjonen – essays. Oktober, Oslo. ISBN 82-7094-481-5
• 1989: Det Norge vi vil ha (medforfattar, red. Kjell Bækkelund). Cappelen, Oslo. ISBN 82-02-11978-2
• 1992: Kildenes makt. Pax, Oslo. ISBN 82-530-1562-3 (1. utg.), ISBN 82-530-1843-6 (2. utg. 1996)
• 1997: Når kildene byr opp til dans. Pax, Oslo. ISBN 82-530-1868-1
• 2001: Nyhetsverdier. IJ-forlaget, Kristiansand. ISBN 82-7147-210-0
• 2001: Flokkdyr på Løvebakken?. Pax, Oslo. ISBN 82-530-2316-2
• 2009: Skandalenes markedsplass. Fagbokforlaget, Bergen. ISBN 978-82-450-0847-0

• Knut Olav Åmås [red.]: «Allern, Sigurd» i Hvem er hvem? (Aschehoug, 2008)
• Heimstad frå artikkel om Allern i SNL.

• Publikasjonar av Sigurd Allern i forskingsdokumentasjonssystemet Cristin