Røst kommune

Røst kommune
kommune
Kommunevåpen
Land	Noreg
Fylke	Nordland
Adm.senter	Røstlandet
Areal	10,12 km²
•  land	9,78 km²
•  vatn	0,34 km²
Folketal	460  (1. januar 2024)
Målform	bokmål
Ordførar	Elisabeth Kristin Mikalsen (LL)
Kommunenr.	1856
Røst kommune 67°31′12″N 12°05′56″E / 67.52°N 12.098888888889°E / 67.52; 12.098888888889
Kart som viser Røst kommune.
Wikimedia Commons: Røst
Nettstad: www.rost.kommune.no

Røst er ein kommune lengst sørvest i Lofoten i Nordland fylke. Øya Røst ligg langt til havs, og nærmaste nabokommune er Værøy kommune mot nordaust. Øygruppa er kjend som staden der Pietro Querini dreiv i land i 1432.

Røst er den ytste og sørlegaste kommunen i Lofoten, om lag 100 km vest for Bodø og 115 km nord for Polarsirkelen. Næraste nabo er kommunen Værøy som ligg på motsett side av Røsthavet, 25 km i nordaust. Røst består av 365 øyar og holmar. Røstlandet er største øya i kommunen, ho er på det høgste 11 meter over havnivå. Sør for Røstlandet reiser øyane Vedøya, Storfjellet, Trenyken, Hærnyken og Ellevsnyken seg frå havet. 259 moh høge Storfjellet er høgste punktet i kommunen.

Dei fleste innbyggarane bur på Røstlandet, noen få andre busette øyar/holmar er knytt til Røstlandet med vegar, moloar og bruer.

Fiske og fiskeforedling er dominerande næring i Røst. Særleg er i aktiviteten stor under lofotfisket i tida januar-april. Stort innsig av skrei lokkar fiskebåtar frå ulike plassar langs heile til å delta i fisket. Opp mot 400 – 600 båtar kan då ha Røst til base. Ei eiga redningsskøyte er stasjonert på Røst når fiskeria er på det mest hektiske.

Røst har seks fiskebruk som bearbeidar fisken, størsteparten manuelt, men òg noko med maskinar. Dei ymse fiskeslaga vert til både råfabrikata og til salsvarer. Torsken vert til tørrfisk, det produktet Røst er særleg kjent for.

• Røst kommune sine heimesider

Denne geografiartikkelen er ei spire. Du kan hjelpe Nynorsk Wikipedia gjennom å utvide han.