NorthKid

	NorthKid
Aktiv	2017–
Sjanger	pop, skandinavisk pop, nordisk popmusikk
Plateselskap	Sony Music Norway

NorthKid er eit norsk popband frå Alta og Hasvik som vart skipa i 2017. Bandet deltok i Melodi Grand Prix 2022 med låten «Someone», og fekk ein andreplass i finalen, bak vinnaren Subwoolfer.

Bakgrunn

Historia til bandet byrja rundt 2010, då altaværingane Helge Moen og Håkon Guttormsen byrja å spele og skrive musikk saman med nokre vennar.^[1] Etter ein konsert med det lokale bandet «Shameless Lisa and the Hormonal River of Boys» på Ungdommens hus i Alta i 2013, vart kameratane inspirerte til å starte sitt eige band. Bandet fekk namnet «Approaching Pluto», og dei spela konsertar både lokalt i Finnmark og utanlands, nærare bestemt i Russland, Finland, Sverige og England.^[1]^[2]

Etter nokre år med rock i Approaching Pluto valde bandet å endre sjangeren i retning av pop, og dei endra namnet til NorthKid. Gruppa fekk med seg Bilal Saab som vokalist, og starta eit profesjonelt samarbeid med musikkprodusenten Kåre Vestrheim.^[1] Etter eit par coverutgjevingar og framsyningar på lokale festivalar i Troms og Finnmark, slapp bandet debutsingelen «Firefly» i november 2017. Låten skreiv dei sjølv saman med Jesper Borgen, Mike Hartung og samarbeidspartneren Vestrheim.^[1] Dei neste åra følgde ei rekkje nye singlar, og hovudvokalisten Bilal Saab deltok i, og vann, Stjernekamp på NRK1 hausten 2019.^[3]^[4] Men konsertverksemda til bandet vart kraftig avgrensa i 2020 og 2021 på grunn av koronapandemien og medfølgjande restriksjonar for kulturliv og folkesamlingar.^[5]

I januar 2022 kunngjorde NRK at NorthKid var ein av dei direktekvalifiserte finalistane til Melodi Grand Prix 2022.^[6] Dei presenterte låten sin, popballaden «Someone», i den tredje delfinalen laurdag 29. januar 2022.^[6] Songen var skriven av bandmedlemmet Helge Moen saman med Alex Charles, Sandra Lyng og Jim Bergsted.^[7] Bandet kvalifiserte seg til finalen laurdag 19. februar, og enda opp på andreplass bak vinnaren Subwoolfer.

Besetning

Medlemmar i bandet per 2022:^[1]^[8]

Håkon Mathias Guttormsen (f. 1996) – gitar, synth, vokal
Helge Reinsnes Moen (f. 1995) – synth, vokal
Vegard Olaussen (f. 1996) – bass, synth
Bilal Saab (f. 1999) – vokal
Sebastian Manshadi Willassen (f. 1996) – trommar

Diskografi

Singlar

2017: «Think Before I Talk» (live akustisk coverlåt)^[9]
2017: «Dirty Sexy Money» (live akustisk coverlåt)
2017: «Firefly»
2018: «Mono»
2018: «Give Me a Call»
2019: «Done Fighting»
2020: «I Don't Love You»
2020: «Talk About Us»^[10]
2020: «Still Here for You»^[11]
2021: «Lonely Too»
2022: «Someone»

Kjelder

↑ ^1,0 ^1,1 ^1,2 ^1,3 ^1,4 Intervju (27. november 2017). «Norges nye pophåp kommer fra Alta og heter NorthKid». NPS Music (på norsk bokmål). Henta 12. januar 2022.
↑ Norbye, Tanja Linnea Eriksen (29. november 2020). «Fem morsomme ting om Northkid». NRK (på norsk bokmål). Henta 12. januar 2022.
↑ Lea, Mathilde (26. oktober 2019). «Bilal vant «Stjernekamp»». dagbladet.no (på norsk). Henta 12. januar 2022.
↑ NTB (26. oktober 2019). «Bilal Saab (22) vant Stjernekamp». www.abcnyheter.no (på norsk). Henta 12. januar 2022.
↑ Thea Rosef (30. august 2020). «Dobbelt rammet «Stjernekamp»-vinner Bilal Saab: – Corona har vært drit for min del». www.vg.no (på norsk bokmål). VG Nett. Henta 12. januar 2022.
↑ ^6,0 ^6,1 Norvang, Kolbjørn (10. januar 2022). «Northkid direkte til Melodi Grand Prix-finale». NRK (på norsk bokmål). Henta 12. januar 2022.
↑ Hyttebakk, Jon Marius (10. januar 2022). «Disse skal være med i Melodi Grand Prix 2022». NRK (på norsk bokmål). Henta 12. januar 2022.
↑ «Northkid AS - Alta - Roller og kunngjøringer». proff.no. Henta 12. januar 2022.
↑ «NorthKid on Apple Music». Apple Music (på engelsk). Henta 12. januar 2022.
↑ «Sinna feelgod fra NorthKid | Sony Music Norway». kommunikasjon.ntb.no (på norsk). Henta 12. januar 2022.
↑ «NorthKid slipper kjærlighetserklæring | Sony Music Norway». kommunikasjon.ntb.no (på norsk). Henta 12. januar 2022.

Denne artikkelen bygger på «NorthKid» frå Wikipedia på bokmål, den 5. desember 2022.

[:1-1] 1,0 ^1,1 ^1,2 ^1,3 ^1,4 Intervju (27. november 2017). «Norges nye pophåp kommer fra Alta og heter NorthKid». NPS Music (på norsk bokmål). Henta 12. januar 2022.

[2] Norbye, Tanja Linnea Eriksen (29. november 2020). «Fem morsomme ting om Northkid». NRK (på norsk bokmål). Henta 12. januar 2022.

[3] Lea, Mathilde (26. oktober 2019). «Bilal vant «Stjernekamp»». dagbladet.no (på norsk). Henta 12. januar 2022.

[4] NTB (26. oktober 2019). «Bilal Saab (22) vant Stjernekamp». www.abcnyheter.no (på norsk). Henta 12. januar 2022.

[5] Thea Rosef (30. august 2020). «Dobbelt rammet «Stjernekamp»-vinner Bilal Saab: – Corona har vært drit for min del». www.vg.no (på norsk bokmål). VG Nett. Henta 12. januar 2022.

[:2-6] 6,0 ^6,1 Norvang, Kolbjørn (10. januar 2022). «Northkid direkte til Melodi Grand Prix-finale». NRK (på norsk bokmål). Henta 12. januar 2022.

[:0-7] Hyttebakk, Jon Marius (10. januar 2022). «Disse skal være med i Melodi Grand Prix 2022». NRK (på norsk bokmål). Henta 12. januar 2022.

[8] «Northkid AS - Alta - Roller og kunngjøringer». proff.no. Henta 12. januar 2022.

[9] «NorthKid on Apple Music». Apple Music (på engelsk). Henta 12. januar 2022.

[10] «Sinna feelgod fra NorthKid | Sony Music Norway». kommunikasjon.ntb.no (på norsk). Henta 12. januar 2022.

[11] «NorthKid slipper kjærlighetserklæring | Sony Music Norway». kommunikasjon.ntb.no (på norsk). Henta 12. januar 2022.

[1]