Memories are Made of This

«Memories Are Made of This» er ein amerikansk popsong skriven av Terry Gilkyson, Richard Dehr og Frank Miller i 1955.^[1]

Songen vart først gjeven ut av Mindy Carson med Ray Conniff's Orchestra and The Columbians.^[2] Carson sin versjon nådde 53. plassen på Billboard si Topp 100-liste.^[3]

Den mest popuære versjonen av songen vart spelt inn av Dean Martin i 1955.^[4] Han vart akkompagnert av The Easy Riders (som bestod av Gilkyson, Dehr og Miller), låtskrivarane.^[4] På B-sida til singelen var «Change of Heart» skriven av John Rox.

Versjonen til Martin låg fem veker på toppen av Billboard-lista i 1956, og seks veker på toppen av Billboard-lista «Most Played by Jockeys», fem veker på toppen av «Best Sellers in Stores»-lista og fire veker på toppen av «Most Played in Juke Boxes»-lista.^[5] Singelen selde til gullplate og vart den største hitten til Martin. Det var den einaste songen hans som gjekk til topps på den britiske singellista, då han toppa New Musical Express-lista 23. februar 1956,^[6] og vart verande på toppen i fire veker.^[7] Songen nådde òg andreplassen i Nederland^[8] og 20. plassen i Flandern.^[9]

Gale Storm gav ut ein versjon av songen seint i 1955, som nådde 5. plassen på Billboard si «Most Played by Jockeys»-liste, og 16. plassen på «Topp 100».^[10]

Etter den ungarske revolusjonen i 1956 vart songen omsett og kalla «Honvágy-dal» (Heimlengselssongen) og nytta som uoffisiell hymne for flyktningar verda over. Han vart spelt inn av Ida Boros, og vart eit kulturfenomen og eit protestteikn mot kommuniststyret.

Songen gjekk inn på lista ein gong til, i 1966 med The Drifters, då dei nådde 48. plassen. Songen vart spelt inn av Anne Murray for albumet Croonin' i 1993.

Ein tysk versjon av songen heiter «Heimweh» og vart framført av Freddy Quinn med tekst av Ernst Bader og Dieter Rasch. Denne versjonen låg 14 veker på toppen av den tyske singellista og vart den mest suksessrike songen i 1956.^[11] Verda over selde han meir enn åtte millionar eksemplar, meir enn versjonen til Dean Martin gjorde.^[12]

Deana Martin, dotter til Dean Martin, spelte inn «Memories Are Made Of This» i 2006 og gav han ut på debutalbumet Memories Are Made of This (Big Fish Records).

• Dave King (1956)
• Petula Clark (1956)
• Bing Crosby for albumet Songs I Wish I Had Sung the First Time Around (1956).
• Roger Williams (1959. #81)
• Ray Conniff (1960)
• The Everly Brothers (1960)
• Jim Reeves (1963)
• Paul Anka (1963)
• Frank Sinatra (1964)
• Little Richard (1964)
• The Drifters (1966)
• Val Doonican (1967)
• Statler Brothers (1981)
• Fuzz (1983)
• Johnny Cash (1996)
• Deana Martin (2006)

Tyske versjonar:

• Erste Allgemeine Verunsicherung Alk-Parade (1991)
• Element of Crime Heimweh (2004) filmmusikken The Edukators
• Stephan Remmler und die Schatzsucher Heimweh (1991)
• ZK, later Die Toten Hosen Heimweh (1980)
• Freddy Quinn Heimweh (Dort wo die Blumen blüh'n) (1956)

Ungarske versjonar

• Ilona Hollós, 1957
• Bojtorján 1984

• Heile songteksten på MetroLyrics