Melissa

Melissa er eit kvinnenamn av gresk opphav. Melissa har namnedag den 13. juli.

Det greske ordet Mέλισσα tyder 'honningbie'. I gresk mytologi var Melissa ei nymfe som tok seg av guden Zevs som liten. Ho blei seinare forvandla til ei honningbie. Melissa er også namnet på ei fe i diktet «Orlando Furioso» av Ludovico Ariosto frå 1516.

Melissa blei teke i bruk som engelsk førenamn på 1700-talet. Bruken tok til å veksa i USA på 1940-talet, og blei særs populært der frå midten av 1960-talet til midten av 1980-talet.

• Melissa Etheridge (f. 1961), amerikansk songar
• Melissa Tkautz (f. 1974), australsk artist
• Melissa Wiik (f. 1985), norsk fotballspelar