Kyotoprotokollen

Kyotoprotokollen (eller Kyotoavtalen) er ei oppfølging av Klimakonvensjonen. Protokollen fastset bindande og talfesta rammer for utslepp av klimagassar for landa som i konvensjonen er kalla vedlegg-1-partar, dvs industriland og land med overgangsøkonomi.

Kyotoprotokollen vart vedtatt 11. desember 1997 og trødde i kraft 16. februar 2005.

Hovudelement i Kyotoprotokollen er:

• Plikt for industrilanda til å halde utsleppa på eit nivå som er talfesta for kvar part. Målet er å redusere dei samla utsleppa av klimagassar frå industrilanda med minst 5 prosent i forhold til 1990-nivået i perioden 2008-2012.
• Utsleppa av klimagassar gjeld dei seks viktigaste klimagassane: karbondioksid (CO₂), metan (CH₄), lystgass (N₂O), hydrofluorkarbon (HFK), perfluorkarbon (PFK) og svovelheksafluorid (SF₆).
• Protokollen reknar òg med opptak av klimagassar, slik at netto bindingseffektar på areal med skogreising, nyplanting og avskoging utført etter 1990 skal reknast med som ein del av reduksjonen i utsleppa.
• Handel med utsleppskvotar mellom industriland
• Prosjektsamarbeid mellom industriland og utviklingsland

Noreg er etter Kyotoprotokollen forplikta til å sørgje for at dei totale klimagassutsleppa i perioden 2008-2012 ikkje er meir enn 1 prosent høgre enn i 1990, då utsleppa var 52,0 millionar tonn CO₂-ekvivalentar.

Denne artikkelen treng fleire referansar for verifikasjon. Du kan forbetra denne artikkelen ved å leggja inn referansar til pålitelege kjelder. Kven som helst kan fjerna kjeldelaust materiale utan forvarsel, men den føretrekte tilnærminga er i første omgang å markera dei setningene/påstandene som treng kjeldebelegg ved å tilføya {{tr}} etter påstanden. Malen blei sett inn 2021

• Kyotoprotokollen til FNs rammekonvensjon om klimaendring (engelsk og norsk tekst)
• St.prp. nr 49 (2001-2002) Om samtykke til ratifikasjon av Kyotoprotokollen
• Om Kyotoprotokollen på miljøstatus Norge Arkivert 2008-02-15 ved Wayback Machine.
• Norske utslipp og Kyotomåla Arkivert 2006-01-09 ved Wayback Machine.
• SSB: Utslepp av klimagassar etter kjelde^{[daud lenkje]}
• SSB:Kyoto-protokollen - hvordan vil den virke?