Ingebrigt Davik
| Ingebrigt Davik | |
 | |
| Statsborgarskap | Noreg |
| Fødd | 13. april 1925 Fjørtofta |
| Død |
29. januar 1991 (65 år) |
| Yrke | skribent, songar, låtskrivar, barnebokforfattar |
Ingebrigt Davik (14. april 1925–29. januar 1991) var ein norsk forfattar, kringkastingsmann og barneunderhaldar. Han er mest kjend for historiene frå «Taremareby», ein serie med forteljingar og viser han debuterte med i NRK radios Barnetimen for dei minste i 1959.
Bakgrunn og arbeid
[endre | endre wikiteksten]Ingebrigt Davik var frå øya Fjørtofta i Haram kommune på Sunnmøre. Han utdanna seg som lærar på Hamar. Han gjekk på Teaterskulen og Musikkonservatoriet i Oslo. Han byrja i radio i 1959 med forteljingane frå Taremareby, eit eventyrleg undervannssamfunn av skalldyr, fisk og vekster. Oppfølgjaren om Rokke-Gina kom i 1962. Seinare laga han barnetimar om det underlege i Lissomskogen og om måkefamilien i Kekkek og Kjia på Kjaholmen. Mykje av stoffet, spesielt om Taremareby og Rokke-Gina, blei også brukt i barneprogram på fjernsynet.
Ingebrigt Davik utga fleire barnebøker, både med historiene frå opplesningsseriene og visesamlingar med eigne og andre sine viser. Han omsette også fleire radiodramatiseringar av barnebøker til nynorsk.
Kulturhuset i Haram kommune, som ligg i Brattvåg, fekk namnet Ingebrigt Davik-huset da det blei opna 25. mars 2006.
Ingebrigt Davik arbeidde og som lærar, først og fremst på Tonsenhagen skole i Oslo.
Bøker
[endre | endre wikiteksten]- 1960: Det hende i Taremareby. Forteljing og viser frå barnetimen - illustrert av Unni Lise Jonsmoen, utgitt på Noregs Boklag, gjenutgitt i 1979 med illustrasjonar av Anna Tystad Aronsen, utgitt på dansk som Det skete i Tange-Lange-land i 1967
- 1962: Rokke-Gina. Forteljing og viser frå barnetimen og fjernsynet - illustrert av Tove Bertet, Noregs Boklag
- 1964: Vind i mitt segl. Viser frå radio og fjernsyn - illustrert av Unni-Lise Jonsmoen, Det Norske Samlaget
- 1967: Muffe og jula - llustrert av Ulf Aas, Samlaget
- 1971: Wangthai-barna - illustrert av Tonje Strøm Aas
- 1981: Sommaren med dyra på Brattåsen - utgåver både på nynorsk og bokmål
- 1983: Syng og leik i solskin og sølevêr
- 1985: Dagbok utan slutt. Eit lite skodespel til ettertanke - skodespel om mobbing, både på nynorsk og bokmål
- 1988: Den lange reisa til Betlehem
Plateinnspelingar
[endre | endre wikiteksten]- 1960: Det hende i Taremareby - utgitt på plateselskapet Philips
- 1962: Ingebrigt Davik forteller og synger om Kekk-Kekk og Kjia på Kjaholmen/Rokke-Gina og andre viser - Norsk Grammofonkompani
- 1963: Rokke-Gina - Norsk Grammofonkompani
- 1965: I Lissomskogen - Philips
- 1971: Det hendte i Taremare by/I Lissomskogen- Fontana
- 1972: Kom skal vi synge - med Åse Thoresen, Karusell (plateselskap)
- 1974: Kjære, kom og dans med meg - med Åse Thoresen, Karusell
- 1980: I solskinn og sølevær - Philips
- 1998: Hit eit steg - samleplate, Milligram (plateselskap)