Hyperkomplekst tal

Eit hyperkomplekst tal er eit omgrep for eit element i eit hyperkomplekst system, som òg vert kalla ein algebra. Det er eit algebraisk system med basiselement u₁, u₂, ..., u_n slik at kvart element i dette systemet kan skrivast (eintydig) på forma x = α₁u₁ + α₂u₂ + ... + α_nu_n. Koeffisientane α₂, α₂, ..., α_n kan vere reelle eller komplekse tal, eller meir generelt høyre til ein vilkårleg kropp.

Prosjektet med å katalogisere tala byrja i 1872 då Benjamin Peirce først publiserte Linear Associative Algebra, og vart fortsett av sonen hans Charles Sanders Peirce. Av viktige oppdagingar dei gjorde var å identifisere nullpotensen og idempotenten som nyttige hyperkomplekse tal for klassifiseringar.