Huascarán

Huascarán er det høgste fjellet i Peru, Det er 6 768 moh., og er det fjerde høgste fjellet i Sør-Amerika. Fjellet ligg i Huascarán nasjonalpark i Andes i Ancash-regionen i det nordlege Peru.

Huascarán er eit fjellmassiv med tvillingtoppar; ein nord og ein sørtopp. Den nordlege toppen har flest oppstigningar. Eit klatrelag med A.S. Peck, R. Taugwalder og G. zum Taugwald var dei første som nådde nordtoppen den 2. september 1908, medan P. Borchers, W. Bernhard, H. Hoerlin, E. Hein og E. Schneider var dei første på sørtoppen den 20. juli 1932.

I mai 1970 skjedde ein naturkatastrofe ved Huascarán då eit snø- og steinskred utsletta byen Yungay med over 20 000 innbyggjarar. Skredet vart utløyst av eit stort jordskjelv som elles gjorde mykje skade i nordlege Peru.

Denne artikkelen treng referansar for verifikasjon. Du kan forbetra artikkelen ved å leggja inn referansar til pålitelege kjelder. Kven som helst kan fjerna kjeldelaust materiale utan forvarsel, men den føretrekte tilnærminga er i første omgang å markera dei setningane/påstandane som treng kjeldebelegg ved å tilføya {{tr}} etter påstanden.

• Nettstaden Andeshandbook om Huascarán Arkivert 2019-08-02 ved Wayback Machine.
  Denne geografiartikkelen er ei spire. Du kan hjelpe Nynorsk Wikipedia gjennom å utvide han.