Himarë

Himarë
Utsyn mot Himarë
Byvåpenet til Himarë
Styresmakter
Land Region	Albania Vlorë
Geografi
Flatevidd  - By	572 km²
Innbyggjarar[1]  - By (2011)	7 818
Koordinatar	40°32′0″N 19°38′0″E / 40.53333°N 19.63333°E / 40.53333; 19.63333
Høgd over havet	90, 3 m
Tidssone - Ved sommartid	CET (UTC+1) UTC+2 (UTC)
Diverse anna
Heimeside: http://www.himara.gov.al/
Plassering
Himarë kommune innafor regionen Vlorë

Himarë eller Himara (gresk Χειμάρρα, Khimárra) er ein by og ein kommune i regionen Vlorë i Albania. Han ligg ved Den albanske rivieraen sør i Albania og grensar i aust til regionen Gjirokastër.

Den tospråklige tradisjonelle regionen Himarë omfattar byen og sju landsbyar og er hovudsakleg folkesett av etniske grekarar. Regionen er om lag 20 km lang og 5 km brei og grensar til dei 2000 meter høge Llogara-fjella i nordaust og Det joniske havet i sørvest. Det er lange kvite sandstrender og nokre få åsar nær sjøen med oliven- og sitrustre.

Kommunen vart oppretta gjennom ei admininistrasjonsreform i 2014, ved at den tidlegare bykommunen Himarë vart slått saman med landkommunane Lukovë og Horë-Vranisht.^[2] Dei tidlegare kommunane inngår no som kommunaleiningar i den nye storkommunen. Kommunen har hovudsete i Himarë.

Ved folketeljinga i 2011 hadde den dåverande bykommunen 2 822 innbyggjarar, medan dei tre kommunane som i dag utgjer storkommunen Himarë, til saman hadde 7 818 innbyggjarar.^[1]

Fram til år 2000 var den tidlegare bykommunen saman med landkommunen Horë-Vranisht ein del av distriktet Vlorë, medan Lukovë var ein del av distriktet Saranda.^[3] Den dåverande bykommunen omfatta byen Himarë og busetnadene:^[2]

• Pilur
• Kudhës
• Qeparo fshat
• Qeparo Fushë
• Vuno
• Iliaz
• Dhërmi
• Gjilekë
• Palasë

Wikimedia Commons har multimedia som gjeld: Himarë

• Offisiell nettstad Arkivert 2012-04-26 ved Wayback Machine.