Hilderaldo Bellini

Hilderaldo Bellini
Statsborgarskap	Brasil
Fødd	7. juni 1930 Itapira
Død	20. mars 2014 (83 år) São Paulo
Yrke	fotballspelar
Språk	portugisisk
Høgd	1,81 meter
Hilderaldo Bellini på Commons

Hilderaldo Luiz Bellini (7. juni 1930–20. mars 2014) var ein brasiliansk fotballspelar som vart verdsmeister i 1958 og 1962. I Brasil vert han rekna som ein av dei aller mest solide midtstopparane.

Bellini spelte for klubben Vasco da Gama åra 1952-61, deretter for São Paulo FC frå 1962 til 1967 og avslutta karrieren hos Atlético Paranaense. I 1958 var han kaptein på det brasilianske landslaget som vann den fyrste VM-tittelen for heimlandet. Fire år seinare vart han verdsmeister på ny, og han deltok også i fotball-VM 1966. Perioden 1957-66 spelte Bellini 51 landskampar for Brasil, utan å skåre eitt einaste landslagsmål.

Han vart heidra med ein statue ved inngangen til fotballstadion Maracanã, som viser han løfte eit trofé.