Helen Bøsterud

Helen Bøsterud
Fødd	15. februar 1940 (84 år) Oslo
Statsborgar av	Noreg
Parti	Arbeidarpartiet
Yrke	politikar
Medlem	Europarådets parlamentarikerforsamling
Alle verv	stortingsrepresentant (1977–1981) Norsk justisminister (1986–1989) medlem av Europarådets parlamentarikerforsamling (1985–1986) stortingsrepresentant (1981–1985) stortingsrepresentant (1985–1989) stortingsrepresentant (1989–1993) statssekretær (Sosialdepartementet, 1980–1981)

Helen Marie Bøsterud (fødd 15. februar 1940 i Oslo) er ein norsk politikar frå Arbeidarpartiet. Ho var innvald på Stortinget frå Akershus frå 1977 til 1993, og var justisminister frå 1986 til 1989 i Gro Harlem Brundtland si andre regjering.

Ho er utdanna spesialpedagog ved Oslo lærerhøgskole (1961) og Statens spesiallærerhøgskole (1972).

Før ho blei heiltidspolitikar arbeidde Bøsterud som lærar i Vestby kommune. I perioden 1975-79 var ho medlem av Akershus fylkesting. Ho var varamann til Nordisk råd i perioden 1979-81. Vidare var ho medlem av representantskapen i Vestby Ap i 1972-82.

Etter at ho gjekk ut av Stortinget var ho direktør for Direktoratet for sivilt beredskap frå 1993 til 2003.

• 21. april 1980–14. oktober 1981 Statssekretær i Sosialdepartementet^[1]
• 9. mai 1986–16. oktober 1989 Statsråd i Justis- og politidepartementet (justisminister)^[2]

• 11. oktober 1977–21. april 1980 Varasekretær i Stortinget

• 1977–1981 medlem i Sosialkomitéen
• 1981–1985 formann i Justiskomitéen
• 1981–1985 varamedlem i Den utvida utanriks- og konstitusjonskomitéen
• 1981–1985 varamedlem i Valkomitéen
• 1985–1989 medlem i Kontrollkomitéen
• 1985–1989 leiar i Justiskomitéen
• 1985–1989 medlem i Den utvida utanriks- og konstitusjonskomitéen
• 1985–1989 varamedlem i Valkomitéen
• 1989–1993 nestleiar i Forsvarskomitéen
• 1989–1993 medlem i Den utvida utanriks- og konstitusjonskomitéen