Havelle
| Havelle | |
 Havellehann | |
 Havellehoe | |
| Utbreiing og status | |
Status i verda:  SårbarStatus i Noreg:  Nær truga[1] Utbreiinga av Havelle | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Andefuglar Anseriformes |
| Familie: | Andefamilien Anatidae |
| Slekt: | Clangula |
| Art: | Havelle C. hyemalis |
| Vitskapleg namn | |
| Clangula hyemalis | |
Havelle er ein fugl i undergruppa dukkender i andefamilien.
Kjenneteikn
[endre | endre wikiteksten]Havella er ei ganske lita and med totallengd 39–47 cm og vengespenn på 65–82 cm. Fuglen veg 600–1000 gram. Dei vaksne hannane har lange midtre halefjør på 10–15 cm. Havella har rundt hovud og kort nebb. Vengane er mørke og ganske smale og spisse. I flukt held fuglen vengane bakover og lågt og flaksar med smidige kjappe vengeslag. Havella har minst tre ulike drakter gjennom året. I alle draktene er fuglen broket i kvitt, brunt og svart, og med heilmørke vengar.
Læte
[endre | endre wikiteksten]Havella sin song består av ein tonerein, nasal, litt jodlande lyd som kan skrivast som a a-aulí eller ah au-audeli og minner om klarinett.
Utbreiing
[endre | endre wikiteksten]Havella hekkar i fjell- og tundraområde, både i innsjøar og havbukter, på Island, i Skandinavia, Svalbard, Novaja Zemlja, Russland, Grønland, Canada og Alaska. Ho er trekkfugl og overvintrar i kystområde i Europa, Kina, Korea, Japan, og Nord-Amerika.
Biotop og leveområde i Noreg
[endre | endre wikiteksten]Den norske hekkebestanden er truleg på 5000–10 000 par. Flest hekkande par finst på Finnmarksvidda og i Varanger. Her kan fuglane treffast både inne på vidda og ute ved kysten, alltid ved små ferskvassdammar. Elles i Nord-Noreg kan havella også hekke vanleg, mest typisk i bjørkebeltet og vierregionen. Kystnær hekking skjer så langt sør som til Velfjorden ved Brønnøysund. I Sør-Noreg hekkar havella sparsamt i sentrale fjelltrakter så langt sør som til sentrale delar av Hardangervidda.
Føde
[endre | endre wikiteksten]Fuglane et mest vasslevande insekt, muslingar, blautdyr og krepsdyr, men også fisk, børsteormar og pigghudingar.
Hekking
[endre | endre wikiteksten]Havellene lever i monogame par. Dei vert kjønnsmodne i tredje leveår. Fuglane kjem til hekkeplassane i april-mai, stundom i juni. Reiret er ei grop på marka, sparsamt fora med gras og lyng. Det ligg nær ferskvatn, gjerne på ein holme. Hoa legg 6–9 egg kring midten av juni. Hannane vert i reirområdet enno litt, med flokkar seg saman med andre hannar lenge før klekkinga. Hoa rugar i 24-29 døgn. Ungane dreg frå reiret så snart dei er turre. Hoa er saman med dei til dei er flygedyktige 35–40 døgn gamle. Havellene har eit kull i året.
Trekkvanar
[endre | endre wikiteksten]Dei norske havellene overvintrar ute ved kysten eller i fjordane saman med haveller og andre ender lengre austfrå. Truleg finst det 50 000–100 000 haveller på norskekysten vinterstid, dei fleste i Nord-Noreg. Om våren flyg dei inn til hekkeplassane. Dette trekket går føre seg om kvelden og natta, og treklangen til havellene er lett kjenneleg i halvmørket.
Kjelder
[endre | endre wikiteksten]- Denne artikkelen bygger på «Alfågel» frå Wikipedia på svensk, den 14. desember 2010.
- Norsk fugleatlas, 1994.
- Referansar
- ↑ Dale S, Jacobsen K-O, Lislevand T, Solvang R, Stokke BG og Strøm H (2021, 24. november). Fugler: Vurdering av havelle Clangula hyemalis for Norge. Norsk rødliste for arter 2021. Artsdatabanken. Henta 3. februar 2022.
Bakgrunnsstoff
[endre | endre wikiteksten]- (no) Havelle hos Artsdatabanken
- (en) Havelle – oversikt og omtale av artane i WORMS-databasen
- (en) Havelle i Encyclopedia of Life
- (en) Havelle i Global Biodiversity Information Facility
- (sv) Havelle hos Dyntaxa
- (en) Havelle hos Fauna Europaea
- (en) Havelle hos Fossilworks
- (en) Havelle hos ITIS
- (en) Havelle hos NCBI
- (en) Kategori:Clangula hyemalis – bilete, video eller lyd på Wikimedia Commons
- (en) Clangula hyemalis – galleri av bilete, video eller lyd på Wikimedia Commons
