Hatholmen fyrstasjon

Hatholmen fyrstasjon

Fylke	Agder
Kommune	Lindesnes
Funksjon	Innseglingsfyr
Oppretta	1867
Koordinatar	58°00.2050′N 7°26.9647′E / 58.0034167°N 7.4494117°E / 58.0034167; 7.4494117
Fyrtårn
Høgd	7,2
Form	Fyrbygning
Byggjemateriale	Tre
Fyrlys
Lyskarakter	2 lysglimt vart 10. sek.
Lyshøgd	19,0 moh.
Lysvidde	9,0 nm
Status
Eigar	Staten
Automatisert	1984
Avfolka	1984
Vernestatus	Freda etter lov om kulturminne
Hatholmen fyrstasjon 58°00′12″N 7°26′54″E / 58.00333333°N 7.44833333°E / 58.00333333; 7.44833333

Hatholmen fyrstasjon er eit fyr som ligg på Indre Hatholmen i Mannefjorden midt i innseilingen til Mandal i Agder.

Plasseringa til Hatholmen fyrstasjon

Fyret vart oppretta i 1867 og hadde bemanna drift fram til 1984 då det vart avfolka og automatisert. Den 6. mai 1991 overtok Mandal Kystlag drifta og vedlikehaldet av fyret. Fyret vart bygd samstundes med Ryvingen fyrstasjon og har funksjonelt og visuelt samband med denne.

Sjølve fyrbygningen er i tre og er eit 1 1/2 etasjar høgt bustadhus med tilhøyrande lykterom. Fyret har 4. ordens linseapparat frå 1931. Det vart ombygd til solcelledrift i 1985.

Anlegget omfattar elles uthus, hønsehus, maskinhus og oppheng for taubane, trapper og bru, samt naust og landing. Anlegget vart tilrettelagt som bustad av fyrmeisteren og familien hans og på holmen finst hage og bedd.

Hatholmen fyrstasjon er i dag freda etter lov om kulturminne.

Det er i sommarmånadane høve for overnatting på fyret eller såkalla «fyrferie».

• Fyr i Noreg
• Fyrstasjonar i drift i Noreg

• Informasjonsside for Mandal Kystlag Arkivert 2007-09-06 ved Wayback Machine.
• Hagevokster og hagebruk på Hatholmen fyr
• Ville planter på Hatholmen fyr
• Hatholmen fyrstasjon i kulturminnesok.no, nettstaden til Riksantikvaren

• «Norsk fyrliste 2008» (PDF). Kystverket. 
• «Hatholmen fyrstasjon». Norsk Fyrhistorisk Forening.