Faisalabad

فیصل آباد
Det britiskbygde klokketårnet i Faisalabad
Styresmakter
Land	Pakistan
Grunnlagd	1890
Geografi
Flatevidd	1 269,094174 km²
Innbyggjarar  - By (1998)	2,0 mill.
Koordinatar	31°21′52″N 72°59′40″E / 31.36444°N 72.99444°E / 31.36444; 72.99444
Høgd over havet	184 m
Tidssone	UTC+05:00 (UTC)
Diverse anna
Telefon-retningsnummer	041
Heimeside: http://www.faisalabad.gov.pk/

Faisalabad (tidl. Lyallpur) er den tredje største byen i Pakistan, etter Karachi og Lahore. Byen ligg i provinsen Panjab, 110 km vest for Lahore. Han er eit knutepunkt for handel og samferdsel i eit stort jordbruksdistrikt, har eit landbruksuniversitet og fleire høgskular. Byen hadde 1 977 000 innbyggjarar i 1998.

Faisalabad har ein allsidig industri med produksjon av mellom anna tekstilar, kunstfiber, kunstgjødsel, legemiddel, hermetikk, såpe og næringsmiddel som ghi (klarna smør). I landbruksområda rundt dyrkar ein bomull, kveite, frukt og grønsaker.

Faisalabad er eit knutepunkt for vegar og jernbane. Faisalabad internasjonale lufthamn ligg ei mil utanfor sentrum.

Byen blei grunnlagd av britane i 1890, med namnet Lyallpur etter Sir Charles James Lyall. I 1979 endra han namn til Faisalabad, etter kong Faisal av Saudi-Arabia.

Commons har multimedium som gjeld: Faisalabad

Denne geografiartikkelen som har med Pakistan å gjere, er ei spire. Du kan hjelpe Nynorsk Wikipedia gjennom å utvide han.