ExoMars Trace Gas Orbiter
ExoMars Trace Gas Orbiter (TGO) er ein romsonde som går i bane kring Mars. Han er eit samarbeid mellom ESA og den russiske romfartsorganisasjonen Roskosmos og ein del av ExoMars-prosjektet. Han vart skoten opp 14. mars 2016 frå Bajkonur og gjekk inn i bane kring Mars 19. oktober 2016.[1][2] Han bar med seg den enkle landaren Schiaparelli som testa landingsteknologi.
Instrument
[endre | endre wikiteksten]TGO har fire vitskaplege instrument:[3]
- NOMAD (Nadir and Occultation for MArs Discovery) kombinerer tre spektrometer: to som observerer infraraud stråling og eitt som observerer ultrafiolett stråling. Instrumentet vil identifisera atmosfæriske komponentar, slike som gassen metan, gjennom okkultasjonar og direkte refleksjonar.
- ACS (Atmospheric Chemistry Suite) er tre instrument som observerer i det infraraude. ACS fyller ut observasjonane frå NOMAD.
- CaSSIS (Colour and Stereo Surface Imaging System) er eit høgoppløysingskamera som kan ta farge- og stereobilete over større område. Det kan ta bilete av Mars med ei oppløysing på opp til 5 meter per piksel.
- FREND (Fine Resolution Epithermal Neutron Detector) er ein nøytrondetektor som vil kartleggja hydrogen ned til ei djupn på 1 meter. Dette vil avsløra vassis nær marsyta.
Kjelder
[endre | endre wikiteksten]- ↑ Mars methane mission lifts off - BBC
- ↑ ExoMars TGO reaches Mars orbit while EDM situation under assessment Arkivert 2016-10-20 ved Wayback Machine. - ESA
- ↑ ExoMars Trace Gas Orbiter Instruments - ESA
Bakgrunnsstoff
[endre | endre wikiteksten]Romsondeferder til Mars | |||||
|---|---|---|---|---|---|
| Nyleg aktive |   | ||||
| Tidlegare |
| ||||
| Planlagde |
| ||||
| Kansellerte konsept | |||||
Kursiv skrift tyder mislukka oppskyting. | |||||