Europacupen i fotball

Europacupen i fotball for serievinnarar (fransk:Coupe des clubs champions européens) var ei årleg fotballturnering der serievinnarane i dei nasjonale toppseriane i Europa fekk delta. Europacupen, i Noreg ofte kalla Serievinnarcupen, vart arrangert i tida frå 1955 til 1992. Dei enkelte turneringane tok til om hausten det eine året og avslutta med finale i mai året etter.

Turneringa kom i gang på initiativ frå den franske sportsavisa L’Équipe, som i møte med det nyskipa Europas Fotballforbund (UEFA) 2.-3. april 1955 sette vilkåra for turneringa, som i alle år var ei utslagsturning med cupkampar. Lag frå 16 landsseriar deltok i den fyrste turneringa, som vart vunne av spanske Real Madrid. 32 lag deltok i den siste turneringa. Norske lag deltok ikkje i dei fyrste fem turneringane, men alltid sidan. Den fyrste europacupkampen fann stad 4. september 1955 i Lisboa, den siste 20. mai 1992 i London; finalen mellom FC Barcelona og Sampdoria. Europacupen vart, etter påtrykk frå dei mektigaste fotballklubbane i Europa, erstatta med Meisterligaen.

År	Vinnar	Resultat	Finalemotstandar	Spelestad
1956	Real Madrid CF	4-3	Reims	Parc des Princes, Paris
1957	Real Madrid CF	2-0	Fiorentina	Santiago Bernabéu, Madrid
1958	Real Madrid CF	3-2 etter ekstra omgangar	Milan	Heysel Stadion, Brussel
1959	Real Madrid CF	2-0	Reims	Neckarstadion, Stuttgart
1960	Real Madrid CF	7-3	Eintracht Frankfurt	Hampden Park, Glasgow
1961	Benfica	3-2	Barcelona	Wankdorf Stadion, Bern
1962	Benfica	5-3	Real Madrid CF	Olympisch Stadion, Amsterdam
1963	Milan	2-1	Benfica	Wembley stadion, London
1964	Inter	3-1	Real Madrid CF	Prater Stadion, Wien
1965	Inter	1-0	Benfica	San Siro, Milano
1966	Real Madrid CF	2-1	Partizan Beograd	Heysel Stadion, Brussel
1967	Celtic	2-1	Inter	Estádio Nacional, Lisboa
1968	Manchester United	4-1 eeo	Benfica	Wembley stadion, London
1969	Milan	4-1	Ajax	Santiago Bernabéu, Madrid
1970	Feyenoord	2-1 eeo	Celtic	San Siro, Milano
1971	Ajax	2-0	Panathinaikos	Wembley stadion, London
1972	Ajax	2-0	Inter	De Kuip, Rotterdam
1973	Ajax	1-0	Juventus	Raude Stjerne stadion, Beograd
1974	Bayern München	1-1 eeo 4-0	Atlético Madrid	Heysel Stadion, Brussel
1975	FC Bayern München	2-0	Leeds United	Parc des Princes, Paris
1976	Bayern München	1-0	Saint-Étienne	Hampden Park, Glasgow
1977	Liverpool	3-1	Borussia Mönchengladbach	Stadio Olimpico, Roma
1978	Liverpool	1-0	Club Brugge	Wembley stadion, London
1979	Nottingham Forest	1-0	Malmö FF	Olympiastadion, München
1980	Nottingham Forest	1-0	Hamburg	Santiago Bernabéu, Madrid
1981	Liverpool	1-0	Real Madrid CF	Parc des Princes, Paris
1982	Aston Villa	1-0	Bayern München	De Kuip, Rotterdam
1983	Hamburg	1-0	Juventus	Olympiastadion, Athen
1984	Liverpool	1-1 eeo (4-2)	Roma	Stadio Olimpico, Roma
1985	Juventus	1-0	Liverpool	Heysel Stadion, Brussel
1986	Steaua București	0-0 eeo (2-0)	Barcelona	Sánchez Pizjuán, Sevilla
1987	Porto	2-1	Bayern München	Prater Stadium, Wien
1988	PSV	0-0 eeo (6-5)	Benfica	Neckarstadion, Stuttgart
1989	Milan	4-0	Steaua București	Camp Nou, Barcelona
1990	Milan	4-0	Benfica	Prater Stadion, Wien
1991	Raude Stjerne	0-0 eeo (5-3)	Marseille	Stadio San Nicola, Bari
1992	Barcelona	1-0 eeo	Sampdoria	Wembley stadion, London