Bognor Regis

Bognor Regis
Sjøsida i Bognor Regis
Plassering
Styresmakter
Land	Storbritannia
Konstituerande land	England
Grevskap	West Sussex
Distrikt	Arun
Geografi
Flatevidd  - By	4,86 km²
Innbyggjarar  - By (2007)    - folketettleik	66 930   13 771,6 /km²
Koordinatar	50°47′N 0°40′W / 50.783°N 0.667°W / 50.783; -0.667
Diverse annan informasjon
Postnummer	PO21-22
Telefon-retningsnummer	01243
Commons har multimedium som gjeld: Bognor Regis

Bognor Regis er ein by ved kysten av West Sussex i England.

Staden var opphavleg ein liten landsby kalla Bognor, der innbyggjarane fram til 1700-talet først og fremst levde av fiske og smugling. I løpet av 1700-talet gjorde Richard Hotham Bognor om til ein feriestad, og i løpet av dei neste hundre åra tok turisme gradvis over som viktigaste næringsvegen. I 1927 vitja Georg V staden, og som ei følgje av hans kongelege patronat vart namneleddet Regis («kongeleg») lagt til. Ei segn fortel at dei siste orda til kongen, då han fekk høyre at han snart ville vere på føtene igjen og tilbake i Bognor, var «Bugger Bognor!», det vil seie «Pokker ta Bognor!»^[1][2].

Landsbyen Felpham, der diktaren William Blake ein gong budde, har vorte ein forstad til Bognor Regis.

I 1960 opna sir Billy Butlin ein av sine kjende ferieleire, Butlins Holiday Camps, i Bognor Regis. Han vart seinare kalla Southcoast World, inntil 1998 då dei fekk namnet Butlins Bognor Regis.