Antoinette Nana Djimou

Antoinette Nana Djimou Ida (fødd 2. august 1985) er ein kamerunsk-fransk friidrettsutøvar frå Douala i Kamerun. Ho vann sjukampen i europameisterskapane 2012 og 2014.

Djimou flytta til Frankrike tidleg i ungdomsåra. Ho byrja då med friidrett, men det var fyrst i 2009 ho vart lagt merke til. Etter at ho vart nummer tre i femkampen under innandørs-EM, kom ho same året på sjuandeplass i Berlin-VM med 6323 poeng.

I 2011 vann ho femkampen i innandørs-EM i Paris, og vart som i førre VM nummer sju i sjukampen. Under sommarleikane i London i 2012 gjorde ho sin aller beste sjukamp, men 6 576 heldt likevel ikkje til meir enn ein sjetteplass.

Våren 2013 forsvarte Djimou EM-tittelen i femkamp innandørs, og sommaren 2014 gjorde ho ein liknande prestasjonen då ho vann sjukampen under europameisterskapen i Zürich. Ho lukkast ikkje ta sitt tredje rake EM-gull i sjukamp under Amsterdam-EM i 2016, men 6 426 poeng gav henne ein sølvmedalje.

• EM 2006 i Göteborg: Nr 21 – 5 765 poeng
• VM 2007 i Osaka: Braut
• OL 2008 i Beijing: Nr 18 – 6 055 poeng
• VM 2009 i Berlin: Nr 7 – 6 323 poeng
• EM 2010 i Barcelona: Braut
• VM 2011 i Daegu: Nr 7 – 6 309 poeng
• EM 2012 i Helsinki: Gullmedalje – 6 544 poeng, framom Laura Ikauniece (6 335 p)
• OL 2012 i London: Nr 7 – 6 576 poeng
• VM 2013 i Moskva: Nr 8 – 6 326 poeng
• EM 2014 i Zürich: Gullmedalje – 6 551 poeng, framom Nadine Broersen (6 498 p)
• EM 2016 i Amsterdam: Sølvmedalje – 6 458 poeng, bakom Anouk Vetter (6 626 p)
• OL 2016 i Rio de Janeiro:Nr 11 – 6 383 poeng
• VM 2017 i London: Nr 16 – 6 064 poeng

• «Antoinette Nana Djimou» (på engelsk). olympedia.org. Henta 20. februar 2023.