Indiahavet

Indiahavet
hav
Topografisk kart over Indiahavet.
Del av	verdshavet
Indiahavet 20°S 80°E / 20°S 80°E / -20; 80
Kart som viser Indiahavet.
Wikimedia Commons: Indian Ocean

Indiahavet er det tredje største verdshavet. Det grensar til Stillehavet, som er det største, til Atlanterhavet, som er det nest største, og til Sørishavet. Indiahavet grensar mot landområde i Afrika, Asia og Australia.

Havet har ei flatevidd på 68 556 millionar km², og dekker om lag ein femtedel av havflata i verda. Det «mista» ein del i år 2000, då det internasjonale hydrogafilaget tok avgjerda om at Sørishavet skulle nå heilt opp til den 60. sørlege lengdegrada.

To monsunar oppstår over Indiahavet. Nordaustmonsunen dekker Sri Lanka og Sør-India og varer frå desember til april. Sørvestmonsunen frå juni til oktober dekker resten av det indiske subkontinentet.

Syklonar oppstår nord i havet i mai-juni og oktober-november, og i januar-februar i den sørlege delen.

Havet er ei viktig handelsrute for skipsfarten mellom verdsdelane. Ein driv fiske i nær sagt alle kystområda. Rundt 40 % av all havolje kjem frå Indiahavet.

På same måte som Middelhavet har Indiahavet bunde saman landområda som ligg rundt det, sjølv om dei ligg langt frå kvarandre. På grunn av dette vil ein mellom anna finna indisk og arabisk preg på språk og musikk i Aust-Afrika og spor etter afrikansk innvandring i India.

Fire viktige vassvegar gjer tilgang til havet: den egyptiske Suezkanalen, Bab el Mandeb utanfor Yemen og Djibouti, Hormuzsundet mellom Iran og Oman, og Malakkasundet mellom Indonesia og Malaysia.

Viktige hamner:

• Chennai (Madras) i India
• Colombo på Sri Lanka
• Durban i Sør-Afrika
• Jakarta i Indonesia
• Kolkata (Calcutta) i India
• Melbourne i Australia
• Mumbai (Bombay) i India
• Richards Bay i Sør-Afrika

Indiahavet har fått namn etter India. Namnet India er igjen avleidd frå namnet på Induselva, som renn ut i havet.

Commons har multimedium som gjeld: Indiahavet