Unser Song für Malmö
Unser Song für Malmö (USfM, tysk for Vår sang for Malmö) er ei tysk musikktevling som vert arrangert 14. februar 2013. Vinnaren får representere Tyskland i Eurovision Song Contest 2013 i Malmö i Sverige.
23. november 2012 annonserte Norddeutscher Rundfunk (NDR) at tevlinga vil finne stad i YUI Arena i Hannover 14. februar 2013. Som tidlegare år vil finalen verte produsert i samarbeid med Brainpool, som òg har produsert Eurovision Song Contest i 2011 og 2012, og samarbeidet med ProSieben vert dimed avslutta.[1][2]
Tolv bidrag vil verte valt ut for å tevle i finalen. Utveljinga vil verte gjort av ein ekspertjury sett saman av sju personar frå NDR, Brainpool og store plateselskap.[3] Elleve av dei tolv bidraga vart offentleggjort 12. desember 2012.[4]
Vinnaren vil verte valt ut ein tredelt røysteprosedyre. I vekane før finalen vil bidraga kringkasta på ni ulike Arbeitsgemeinschaft der öffentlich-rechtlichen Rundfunkanstalten der Bundesrepublik Deutschland-radiokanalar og lyttarane har høve til å røyste på deira favoritt via Internett. Under sjølve tevlinga har ein høve til å røysta via telefon og SMS, og ein jury sett saman av fem musikk- og underhaldningsekspertar vil òg røyste. Kvar av dei tre delane av røystinga vil telje like mykje.[3]
| Artist | Song |
|---|---|
| Ben Ivory | «The Righteous Ones» |
| Betty Dittrich | «Lalala» |
| Blitzkids mvt. | «Heart On The Line» |
| Cascada | «Glorious» |
| Finn Martin | «Change» |
| LaBrassBanda | «Nackert» |
| Mobilée | «Little Sister» |
| Nica & Joe | «Elevated» |
| Die Priester og Mojca Erdmann | «Ave Maris Stella» |
| Saint Lu | «Craving» |
| Söhne Mannheims | «One Love» |
Sjå òg
Kjelder
- Denne artikkelen er basert på ei omsetjing av artikkelen Germany in the Eurovision Song Contest 2013 frå Engelsk Wikipedia .
Fotnotar
- ↑ «BRAINPOOL is co-producer of the German qualifying competition for the 2013 Eurovision Song Contest 2013 in Malmö». Brainpool TV (på engelsk). 23. november 2012. Henta 17. desember 2012.
- ↑ «NDR und ProSieben trennen sich». RP-online (på engelsk). 14. september 2012. Henta 17. desember 2012.
- ↑ 3,0 3,1 Marco Brey (17. desember 2012). «Germany: "Unser Song für Malmö" launched». Den europeiske kringkastingsunionen (på engelsk). Henta 17. desember 2012.
- ↑ Marco Brey (17. desember 2012). «Germany: National final acts announced!». Den europeiske kringkastingsunionen (på engelsk). Henta 17. desember 2012.
Bakgrunnsstoff
- «Offisiell Eurovision-side» (på tysk). Arbeitsgemeinschaft der öffentlich-rechtlichen Rundfunkanstalten der Bundesrepublik Deutschland/Norddeutscher Rundfunk. Henta 17. desember 2012.