Tscherman
| Wapen/Flagg | Koort | |
|---|---|---|
 |
| |
| Basisdaten | ||
| Inheemsch Naam: | Čermany | |
| ||
| Flach: | 10,84 km² | |
| Inwahners: | 385 (31. Dezember 2004) | |
| Inwahnerdicht: | 35,5 Inwahners pro km² | |
| Hööchd: | 195 m över de See | |
| Postleettall: | 956 08 | |
| Vörwahl: | 038 | |
| Geograafsche Laag: | Koordinaten:48° 28′ N, 18° 2′ O48° 28′ N, 18° 2′ O | |
| Grenzen bi OSM: | 2209683 
| |
| Gemeenslötel: | 542792 | |
| Börgermeester: | Imrich Chrenko | |
| ||
Tscherman (slowaaksch Čermany) is en Dörp in’n Kreis Topoltschan in de Slowakei.
Historie
[ännern | Bornkood ännern]Toeerst in de Oorkunnen kummt de Oort 1257 vör.
1858 un 1859 is ene Grupp vun Minschen ut’n westen Deel vun Neddersassen ut de Ümgegend vun Ankum un Steiwelt utwannert na de Slowakei (wat don noch to Ungarn höörn dee). In de Heimat kunnen nich mehr all Lüüd ehr Utkamen finnen un en groten Deel dee na Amerika utwannern. De Lüüd harrn aver ok höört, dat in de Slowakei de Adelsgöder vun’n Grafen Degenfeld-Schinburg un’n Baron Heinrich von Splenyi in Tscherman un Groß Rippen to verköpen weren. Öösterriek-Ungarn weer nich ganz so wied ut’e Welt as Amerika un een kunn dor sogor mit de Iesenbahn hen- un trüchkamen. Un so hebbt de Lüüd dor Land köfft un sik dor mit üm un bi 100 Familien un alltohoop mehr as 400 Lüüd in disse twee Dörper ansiedelt. Disse Lüüd hebbt dorbi ok jemehr plattdüütsche Spraak mit na de Slowakei bröcht.
1929 hebbt se en Schoolhuus boot för de School, de se 1928 grünnt harrn.
Mit’n Tweten Weltkrieg is de Slowakei unafhängig worrn un Lüüd ut Tscherman hebbt as Soldaten för de Slowakei un ok in düütsche Truppen kämpft. Mit dat Enn vun’n Krieg sünd de Inwahners na Böhmen evakueert worrn. Na en Tiet kemen de Lüüd trüch na Tscherman, man de Hüüs weren al besett. De Minschen sünd fastnahmen worrn un kemen in de Lagers Novaky un Petrzalka un vun dor sünd se na Düütschland bröcht worrn.
De verdrevenen Inwahners hebbt sik vun 1977 af an jümmer wedder drapen, den Kontakt ünnerenanner un mit de ole Heimat to plegen. De Gemeen Steiwelt in’t Ollnborgsche hett denn 1989 ok en Partnerschop mit de Tschermaner Oortsgemeenschop afmaakt un dorbi hett sik ok en Vereen grünnt.
Börgermeesters
[ännern | Bornkood ännern]- 1865-: Gerhard Heuer
- Escher
- Hömer
- Steltenpohl
- Rolfes
- Lüttmerding
- -1927: Gese
- siet vör 2001: Imrich Chrenko
Inwahnertall
[ännern | Bornkood ännern]| Johr | Inwahners |
|---|---|
| 1921 | 680 |
| 1970 | 601 |
| 1980 | 521 |
| 2004 | 385 |
Literatur
[ännern | Bornkood ännern]- Theodor Deters: Tscherman in der Slowakei. Eine Siedlung des 19. Jahrhunderts von Auswanderern aus dem Altkreis Bersenbrück und dem südlichen Oldenburger Land. Quakenbrügge 1982
- Jozef Kralik un Jan Ordos: Čermany. Perek, Bratislava 1992
Weblenken
[ännern | Bornkood ännern]- Websteed vun’n Vereen Tscherman un Ümgegend (hoochdüütsch)