Robert Preston

Robert Preston (* 8. Juni 1918 in Newton Highland, Massachusetts; † 21. März 1987 in Montecito, Kalifornien) weer en US-amerikaanschen Schauspeler.

Leven un Wark

Robert Preston, de mehrere Musikinstrumenten spelen de, keem op de High School in Los Angeles to’n eersten mol mit de Schauspeleree in Kuntakt. Dat hett he utboet un speel dorna in Theaters in Pasadena, ünner annern mit Lüüd, der laterhen Stars worrn sünd, so as Dana Andrews un Victor Mature. Cecil B. DeMille hett em denn för de Filmloopbahn opdeckt. Ünner de Regie vun William A. Wellman weer he blangen Gary Cooper un Ray Milland in den Klassiker Beau Geste (dt.: Drei Fremdenlegionäre; 1939) to sehn. Glieks dorna hett he wedder mit Cooper as Partner in North West Mounted Police (dt.: Die scharlachroten Reiter; 1940) mitspeelt. Wegen den Tweeten Weltkrieg müss he sien Loopbahn ünnerbreken.

As he ut Europa torüch weer hett he wedder mit veel Spood an’n Broadway speelt. Sien Dörbrook harr he mit de Rull as Professer Hill in dat Musical The Music Man, för de he mit den Tony Award uttekent worrn is. Dat Musical is 1962 verfilmt worrn, wobi he wedder he glieke Rull övernahmen hett. 1982 speel he blangen Julie Andrews in Blake Edwards sien Kummedie Victor Victoria den schwulen Ünnerholer Toddy. För disse Rull is he för en Oscar nomineert wesen. Sien letzten Optritt in’t Kino harr he 1984 in den Science-Fiction-Film The Last Starfighter.

Preston is 1987 an Lungenkrebs doodbleven.

Filmografie (Utwahl)

Johr	Titel	Synchroonsnacker
1938	King of Alcatraz
1939	Union Pacific dt.: Die Frau gehört mir	Peer Schmidt
1939	Beau Geste dt.: Drei Fremdenlegionäre	Siegfried Schürenberg (Synchro 1952)
1940	North West Mounted Police dt.: Die scharlachroten Reiter	Wolfgang Preiss
1941	The Lady from Cheyenne
1941	The Night of January 16th
1942	Reap the Wild Wind dt.: Piraten im Karibischen Meer
1942	This Gun for Hire dt.: Die Narbenhand	Siegfried Schürenberg (Kino, 1951) Jürgen Kluckert (ARD-Synchro 1981)
1947	The Macomber Affair dt.: Affäre Macomber	Wolfgang Lukschy (Synchro 1950)
1948	Whispering Smith dt.: Der Todesverächter	Thomas Fritsch (2. Synchro)
1949	Tulsa dt.: Erde in Flammen
1949	The Lady Gambles dt.: Spielfieber	Carl Raddatz (Synchro 1951)
1950	The Sundowners dt.: Zweikampf bei Sonnenuntergang
1951	Cloudburst
1951	My Outlaw Brother dt.: Der Arm des Bösen
1955	The Last Frontier dt.: Draußen wartet der Tod	Wolfgang Lukschy
1960	The Dark at the Top of the Stairs dt.: Das Dunkle am Ende der Treppe
1962	The Music Man dt.: Music Man	Joachim Kemmer
1962	How the West Was Won dt.: Das war der wilde Westen	Hans-Dieter Zeidler
1972	Junior Bonner	Arnold Marquis
1977	Semi-Tough dt.: Zwei ausgebuffte Profis	Wolf Ackva
1979	The Chisholms, Feernsehreeg dt.: Der lange Treck	Gottfried Kramer
1981	S.O.B. dt.: S.O.B. – Hollywoods letzter Heuler	Wolfgang Hess (Kino) Edgar Ott (Feernsehn)
1982	Victor Victoria dt.: Victor/Victoria	Wolfgang Völz
1982	Rehearsal for Murder, Feernsehn dt.: Eine Probe für den Mörder	Wolfgang Völz
1984	The Last Starfighter dt.: Starfight
1986	Outrage! dt.: Schrei nach Gerechtigkeit

Utteken

Preston weer för sien Filmwark twölf mol för Priesen vörslahn, dorünner eenmol för den Oscar in de Kategorie Best Nevendorsteller för Victor Victoria. Uttekent weer he mit söven Priesen, so as ünner annern mit:

1963: den Golden Laurel in de Kategorie Best Musicaldorsteller för The Music Man
1982: den NBR Award in de Kategorie Best Nevendorsteller för Victor Victoria
1982: den Pries för’t Levenswark vun de Los Angeles Film Critics Association Awards
1982: den NSFC Award in de Kategorie Best Nevendorsteller för S.O.B.
1984: den Bronze Wrangler in de Kategorie Fiktiv Feernsehdrama för September Gun

Weblenken

Robert Preston in de Internet Movie Database (engelsch)
Robert Preston in de Internet Broadway Database