Jack Thiessen

John Peter "Jack" Thiessen (* 14. April^[1] 1931 in Manitoba; † 9. Oktober 2022) weer en kanaadschen Spraakwetenschopper, Germanist, Kulturaktivist un Schriever.

Thiessen is 1931 in Manitoba boren un in en Familie von Russlandmennisten mit Plautdietsch as Moderspraak in de Neegd von Winnipeg opwussen. Siene Öllern weren ut Chortiz inwannert. Hoochdüütsch un Engelsch hett he later tolehrt. Thiessen hett an dat Mennonite Collegiate Institute un an de Universität von Manitoba studeert un hett 1961 an de Universität Marburg siene Doktorarbeid över Plautdietsch schreven un ehr twee Johr later as Studien zum Wortschatz der kanadischen Mennoniten in de Reeg Deutsche Dialektgeographie: Untersuchungen zum Deutschen Sprachatlas rutbröcht. In de Arbeid ünnersöcht he den plautdietschen Woordschatz in’n Tosamenhang mit prüüßsche Dialekten un de Kulturgeschicht von de Mennisten. Blangen de spraakwetenschopliche Arbeid hett he ok en Barg Kortgeschichten un Vertellsels op Plautdietsch schreven. 1961 is he Maat von dat Manitoba Arts Council worrn un weer von 1971 bet 1976 dor ok de Vörsitter. In de Johren 1960 un 1970 hett he as Perfesser un Dekan dat German Department an de Universität von Manitoba un de Universität von Winnipeg mit opboot. 1977 is sien plautdietsch Wöörbook (Mennonite Low-German Dictionary) rutkamen. In de Johren 1980 un 1990 hett he as Översetter arbeidt un harr en Steed as Gastperfesser an de Universität Kiel un an de Universität Jena för Engelsche Spraak un Kanaadsche Literatur. 1999 is in Kanada sien tweet plautdietsch Wöörbook (Mennonitisch-Plautdeutsches Wörterbuch / Mennonite Low German Dictionary) rutkamen, dat 2003 von dat Max-Kade-Institut (Universität von Wisconsin-Madison) in överarbeidt Form noch wedder neet rutgeven worrn is. Thiessen leevt mit siene Fro Audrey in New Bothwell (Manitoba, Kanada).

• Jack Thiessen: Yiddish in Canada: The death of a language. Schuster-Verlag, Leer 1973, ISBN 3796300405
• Al Reimer und Jack Thiessen (Hrsg): A Sackful of Plautdietsch : A collection of Mennonite Low German stories and poems. Hyperion Press, Winnipeg 1983, ISBN 0-920534-25-2
• Jack Thiessen: Predicht fier haite. Buske-Verlag, Hamburg 1984, ISBN 3-87118-598-1
• Victor Peters und Jack Thiessen: Mennonitische Namen /Mennonite Names. Elwert-Verlag, Marburg 1987, ISBN 3-770808-52-5
• Victor Peters und Jack Thiessen: Plautdietsche Jeschichten: Gespräche - Interviews - Erzählungen. Elwert-Verlag, Marburg 1990 (in der Schriftenreihe der Kommission für Ostdeutsche Volkskunde in der Deutschen Gesellschaft für Volkskunde e.V.), ISBN 3-7708-0927-0
• Jack Thiessen: Tribute to Trucking. American Historical Press, Sun Valley 1990, ISBN 0897813464
• Antoine de Saint-Exupéry; Jack Thiessen (Übersetzer): Dee tjliena Prinz. Plautdietsch, hrsg. von Walter Sauer, Naumann-Verlag, Nidderau 2002 (Le petit prince in deutschen Mundarten, Band 15), ISBN 3-933575-85-0
• Willem Busch; Jack Thiessen (Översetter): Max enn Moritz. Eene Jungesjeschijcht enn sewen Schowanacke, hrsg. von Walter Sauer, Edition Tintenfaß, Neckarsteinach 2003, ISBN 3-9808205-6-4
• Jack Thiessen: Mennonite Low German Dictionary = Mennonitisch-Plattdeutsches Wörterbuch. Max-Kade-Institute for German-American Studies, University of Wisconsin-Madison, Madison 2003, ISBN 0-924119-09-8
• Jack Thiessen: Dittsied. Plautdietsche Jeschichte, Tweeback-Verlag, Bonn 2011, ISBN 978-3-98119787-7

• Jack Thiessen in de Datenbank Die niederdeutsche Literatur (hoogdüütsch)
• Websteed von Jack Thiessen (engelsch)

1. ↑ https://www.plautdietsch-freunde.de/jack-thiessen-ons-jratsta-woat-90.html