Arne Borg

Claes Arne Borg (* 18. August 1901 in Stockholm; † 7. November 1987 in Vallentuna) weer en sweedsch Swemmsportler.

He hett bi de Olympisch Spelen 1928 in Amsterdam de Goldmedaille över 1500 m Freestil un Bronze över 400 m Freestil wunnen. Veer Johr vörher – bi de Olympisch Spelen 1924 – harr he up beid Strecken de Sülvermedaille wunnen. Buterdem wunn he 1924 Bronze mit de 4×200 m Freestilstaffel. In sien aktiv Tiet wiels de 1920er Johren stell he 32 Swemmweltrekorde up. 1926 wurr he mit de Svenska-Dagbladet-Goldmedaille ehrt.

1966 wurr he in de Ruhmeshall vun den internatschonalen Swemmsport upnommen. Sien Twillingsbröer Åke Borg weer ok en spoodriek Swemmsportler.

• Arne Borg: Wie ich um die Erde schwamm. Översetten ut dat Sweedsch vun Willy Meisl, Oldenburg: Stalling, 1925

• Arne Borg in de International Swimming Hall of Fame (engelsch)
• Arne Borg in de Datenbank vun sportsreference.com (engelsch)
• DNB-Katalog