Antimo Liberati

Antimo Liberati (* 3. April 1617 in Foligno; † 24. Februar 1692 in Room) weer en italieenschen Musiktheoretiker, Sänger (Tenor), Organist, Kapellmeester un Kumponist.

Na Johren as Sänger in Wien, güng Liberati na Room. Dor hett he toeerst Rechts- un Literaturwetenschoppen studeert, is denn aver na de Musik wesselt. To siene Lehrers hebbt Gregorio Allegri un Orazio Benevoli höört. Von 1661 af an weer he Tenor in de päpstliche Kapell, weer aver ok Organist un Kapellmeester an verschedene röömsche Karken.

Liberati weer en Verfechter von’n röömschen Stil in de Traditschoon von Palestrina un kunn de ne’en Entwicklungen nix afwinnen. Dorüm weer he gegen de veneziaansche Oper un Claudio Monteverdi.

Sien kumpositoorsch Wark mit Oratorien, Madrigalen un Arien is to’n groten Deel nich bewohrt bleven. Nableven sünd en Mess, veer Arien un een veerstimmig Laudate Dominum.

• Karl-Josef Kutsch, Leo Riemens: Großes Sängerlexikon. Unveränderte Auflage. K. G. Saur, Bern, 1993, Dritter Band Ergänzungsband, Sp. 583, ISBN 3-907820-70-3
• Baumgartner, Barockmusik, 1981, S. 272, ISBN 3 7023 4002 5
• Die Musik in Geschichte und Gegenwart, 1. Aufl., Bd. 8, Sp. 706 ff

Antimo Liberati. Mehr Biller, Videos oder Audiodateien to’t Thema gifft dat bi Wikimedia Commons.