Adephaga
| Adephaga | ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
| Systematik | ||||||||||||||||
| ||||||||||||||||
| Wetenschoplich Naam | ||||||||||||||||
| Schellenberg, 1806 |
De Adephaga sünd, na de Polyphaga, de tweet gröttste Unnerornen mank de Kävers (Coleoptera). To düsse Gruppen höört bi 34.000 Aarden in 11 Familien. Dree vun düsse Familien leevt an’e Eer un de annern acht leevt in’t Water oder an dat Water. Bi de meisten Aarden leevt de Imagines just so, as de Budden as Rövers. Twee Familien sünd eerst in de Johre 2002 un 2005 beschreven wurrn. Dor hannelt sik dat um de Aspidytidae un de Meruidae bi. An de Unnerornen ehre Monophylie gifft dat keen Twiefel.
Taxonomie un Systematik
[ännern | Bornkood ännern]Toeerst is annahmen wurrn, datt sik dat bi de Adephaga um en Sustergruppen vun de Myxophaga un Polyphaga hannelt, man hüdigendags warrt annahmen, de Adephaga sünd neeger mit de Polyphaga verwandt.[1] Wie sik dat mit de Verwandschop binnen de Adephaga verhollt, is noch nich heel un deel klaar. Unklaar is u. a., wo de Waterpedders (Haliplidae) binnen de Adephaga staht. Morpholoogsche Kennteken hefft dat just so wenig klaarstellen konnt, as molekulargeneetsche Unnersökens.
To de Unnerornen höört düsse Familien:
- Dreihkävers (Gyrinidae) Latreille, 1810
- Waterpedders (Haliplidae) Aubé, 1836
- Trachypachidae C. G. Thomson, 1860
- Meruidae Spangler & Steiner, 2005
- Water-Dükerkävers (Noteridae) C. G. Thomson, 1860
- Forellenbeekkävers (Amphizoidae) LeConte, 1853
- Aspidytidae Ribera et al., 2002
- Krieschkävers (Hygrobiidae) Regimbart, 1878
- Swemmkävers (Dytiscidae) Leach, 1815, dormank de Geelrand-Käver
- Schrumpelkävers (Rhysodidae) Laporte, 1840
- Loopkävers (Carabidae) Latreille, 1802
Belege
[ännern | Bornkood ännern]- ↑ Peter S. Cranston, Penny J. Gullan: Phylogeny of Insects. In: V.H. Resh and R. T. Cardé (eds), Encyclopedia of Insects. Academic Press. Amsterdam 2003; Online (PDF)