Zeldam
t Zeldam is ne boerskop in de gemeente hof van Tweante, in Tweante. Töt de gemeentelike herindeling van 2001 heurden t an de gemeente Ambt Dealden. t Zeldam ligt op t noordoosten van Goor. Zeldam heten eerst Kotwiek en heurden an de boerskop Wedehoen/Wiene, en was doarmet ene boermarke. n Lateren namen Zeldam keump van t hofheurige aarf Seldam.
Zeldam en Wiene köant nog aait good met mekaar en doot ook völle met mekaar. Beaide boerskoppen gebroekt t gemeenskopsgebouw 't Kempke en de lokale Katholieke Plattelandsjongeren Organisasie hef n namen van beade boerskoppen. Featelik wont der neet zo heel völle leu, en t is doarumme froai laandelik eblewen, met kenmaarkende Tweantse hooltwallen, busken, weades en boerenaarve.
t Grötste deel van de inwonners dut boeren. Langen tied har de boerskop rellatief de meeste vaarkens de kilometer. Noa at t slok wör in de vaarkenshaandel, beent völle boeren der met oetskeaden, en doot nau waarken in de bouw. Ze woont skoonwal nog aait op öare boerderieje.
t Zeldam hef aait al slim Rooms ewest, ook noa t 17de joarhoonderd, doo't de Reformasie in Oaweriessel köm. Zeldam heurt vuur n groot deel töt de parochie van de HH. Petrus en Paulus in Goor. Nog neet zo lange leden hef de boerskop nog nen kapel loaten bouwen vuur de H. Maagd Maria.
Zie ook
[bewark | bronkode bewarken]Oetgoande verbeendige
[bewark | bronkode bewarken]
 | Plaatsn in de gemeente Hof van Tweante |  | ||||||
|---|---|---|---|---|---|---|---|---|
Oaveriessel · Steden en dörpen in Oaveriessel Nederlaand · Previncies · Gemientes | ||||||||