Sociolekt

En sociolekt is volgens de språkenkunde ne spreakwyse (sociaal dialekt) wat vöäral in nen bepålden socialen kring bruked wördt. Dat kan byvöärbeald weasen up grund van leavtyd, wat vöär ne skole as eyne hen eweasd is of wat vöär etnisken achtergrund eyne hevt. Neet wåras eyne vandan kümt. Et geyt dan üm klangbruuk (aksent), wöörde, segswysen un ouk sinsbouw. Döär up sou ne wyse to küeren löt den spreaker weaten dat he der by höyrt of dat he sik jüüst underskeiden wil van ne andere grupe. Vöärbealde uut Neaderland sint stråttaal, studentenspråke un (under oustelike jungeren) et gebruuk van neadersassiske wöörde of en aksent in et hollandsk. In seykere sinne is yderen form van spreaken en sociolekt.