Sleurhutte

Een sleurhutte is een verplaatsbaor husien dä-j mit een trekhake ächter een auto doen kunt, een soort van anhangwagen eigenlijks. Veur de meeste lu is een sleurhutte allene der verbliefplaatse veur de vekansieperiode, mä der bin lu die der altied in wonen. Vake bint dit lu mit wärk waoveur ze de heeltied reizen mot, bieveurbeeld medewärkers van een circus of kärmisse.

Vekansiegangers geet mit de sleurhutte naor de kampeerplaatse waor ze een staopläätsien huurt. De niejste sleurhutten bint noe veurzien van luxe extra's zoas een plee, heet water, kachel, koelkaste en vriezer. Ärg luxe sleurhutten hebt ok een ansluting veur kabel-tv of satelliet-tv, een zogeneumde mover (waormee elektrische andrieving um de sleurhutte aover korte stukkies te trekken zodä-j 't niet mit de hand hoeft te trekken of duwen) en vaste plaatse veur 't bedde.

Sleurhutten die zo groot bint dä-ze niet ächter de auto aover de weg kunt of mag, wordt een woonwagen eneumd. Die wordt deur een slèèpbedrief op een staoplaatse of-elèverd.

De meeste lu zet der sleurhutte in een sleurhuttenstalling äs ze 't niet gebruken, umdät een sleurhutte niet veur een langere tied op de aopenbaore weg eplaatst mag worden van de gemeente. Disse sleurhuttestalling worden väke beheerd deur transportbedrieven of deur een boer.

De sleurhutte kan ezien worden äs de opvolger van de woonwagen.

• Achterhooks: sleurhutte, slephutte
• Drèents: sleurhut(te)
• Grönnegs: woonwoagen, kerven
• Stellingwarfs: karavan
• Tweants:
  • slephutte, sleurhutte, -kökn
  • kerrevan, kervan *
• Veluws: sleurhut(te)

Disse pagina is eschreven in 't dialect van Une