Brood

Kiekt hier veur aandere soorten brood; in verscheiden variaanten van 't Nedersaksisch 'stoete' enuumd.

Brood, ok wal roggebrood, is een voedzame soort stoete emeuken van rogge, water, zolt en mangs gist of zoerdesem. Een plakkien brood gef oe 15% van de anrikkemedeerde dagense hoeveulheid an voedingsvezels en iezer.

Der bint heufdzakelk twee soorten brood: Fries en Braobaants. Fries brood wördt veural ebreuken roggekörrels veur gebruukt, intied det ze veur Braobaants brood gemalen rogge gebruukt.

Veur hiel wat lu in Nederlaand en België was brood vrogger, naost de later inevoerde eerappels, 't heufdvoedsel.^[1] Later wördden stoete op basis van tarwe belangrieker. Brood en tarwestoete verschilt in aordig meer opzichten as allennig de gebruukte graonsoorte. Zowal de geur as de kleur, de smaak en de structuur bint aanders. Baovendien verschilt de bereidingswieze. Wieder bint der streekrecepten die onderling beheurlijk verschilt.

Brood wördt in 't bezunder emeuken en egeten in de pervincies Grunning, Frieslaand en Drenthe. Vierkaanties brood mit een stokkien hering wördt ok wal eten as börrelhap.

• Achterhooks:
  • zwart brood
  • roggebrood/stoete
• Drèents:
  • brood, roggebrood
• Grunnegs:
  • brood, roggebrood
• Tweants:
  • brood
  • rouw-, roggestoete
• Veluws:
  • rogge(n)brood
  • roggemik (Armelo, Bunsjoten)
  • roggestoete (Klanenbeek, Attem)
  • roggen(s)
  • roggeteunis (Noordwest-Veluwe)
  • peerdebrood (Terwolde)
  • kleirog* (Noordwest-Veluwe)
  • kroggen* (Nunspeet)

1. ↑ De geschiedenis van roggebrood

• 'Voorlichtingsbureau Brood' aover brood
• Uutebreide procesbeschrieving van brood

Dit stok is eschreven in 't Zuudwest-Drèents.