Ariane van Nederlaand

Preensesse Ariane (geboren 10 april 2007, Den Haag), voluut Ariane Wilhelmina Máxima Ines van Oranje-Nassau, is de dadde dochter van Preens Willem-Alexander en Preensesse Máxima.

Preensesse Ariane is geboren op deensdag 10 april 2007 om 21.56 ure in et Ziekehuus Bronovo in Den Haag. Vri'jdag 13 april, in et oolde stadhuus van Den Haag, gaf heur heit heur geboorte an bi'j de burgerlike staand, in de persoon van lokoborgemiester Jetta Klijnsma.

Preensesse Ariane het as volgt heur naemen kregen:

• Ariane, omdat heit en mem weer een naeme mit een A wollen;
• Wilhelmina nao de overbeppe van Willem-Alexander; keuninginne Wilhelmina;
• Máxima nao de overbeppe van heur mem Máxima die ok Máxima hiet;
• Ines nao heur muike Ines, jongste zus van heur mem Máxima.

Heur persoonlike titel is Preensesse. Nao heur heit Willem-Alexander, heur zus Preensesse Amalia en heur zus Preensesse Alexia is Preensesse Ariane de vierde in de order van troonopvolging, mar omdat ze gien naokommeling is van de tweede, heur ooldste zus, het ze niet de titel van kroonpreensesse.