он

[on]

ᠡᠣ᠊᠊ᠨ

(он)

Галиглах зарчим

I нэр.

1. Аргын тооллын нэгдүгээр сарын нэгнээс арван хоёрдугаар сарын гучин нэгэн хүртэлх 365-366 хоногийн хугацаа; тухайн жил
2. Жилийг дэс дугаарлан тэмдэглэхэд хэрэглэх үг
3. Сургуульд суралцагчдын суралцах жил хугацааг үндэслэж хуваасан ангилал

II нэр.хуучир.

1. Сум
2. Шав тэмдэг

он гарах - хуучин он дуусч, шинэ он эхлэх

он дуусах - тухайн жил улиран одох

онд орох - өвөл, хаврын хариг хатуу цагийг эсэн мэнд өнгөрөөх

онд оруулах - малын гарзгүй урин дулаан цаг хүргэх

он түших - онд ороход ойртох

онд тарган орох - онд орох

шинэ он - тухайн жил дуусч дараагийн жил болох нь

өнгөрсөн он - өнгөрөн одсон жил

энэ он - энэ жил

ирэх он - дараагийн жил

он тутам - жил бүр

бичигт он сар тавих - тухайн бичиг баримтыг хэзээ үйлдсэн болон авсан, өгсөн цаг хугацааг бичих

төрсөн он - эхээс мэндэлсэн жил

хэвлэсэн он - тухайн зүйлийг хэвлэн нийтэлсэн цаг хугацаа

оны хүснэгт - түүхт хэрэг явдлыг он дараалан тэмдэглэсэн хүс­нэгт

он дараалал - цаг хугацааны дэс дараа

он дарааллын бичиг - а.түүхэн үйл явдлыг цаг хугацааны дэс дарааллаар бичсэн тэмдэглэл, дундад зууны түүхэн зохиолын үндсэн хэлбэр; б.түүхэн үйл явдлыг он цагийн дарааллаар зохион бичсэн хүүрнэл зохиол, уран зохиолын нэг төрөл зүйл; в.баримт сэлтийг товч мэдээлдэг сонин, сэтгүүл нийтлэлийн нэгэн төрөл

он тоолол - он жилийг тоолох ёс

он тооллын хуучин эхлэл - тэнгэрийн бие­ийн харагдах үед тулгуурлан урт удаан хугацааг тоолох тооллын тогтолцоо, Юлийн цаг тооны бичиг

он тооллын шинэ эхлэл - Григорийн цаг тооны бичиг

тавдугаар оны сурагч - таван жилийн сурагч

он тусам газар - харвалга хүрэм газар, дээш өргөн харвасан сумны хүрэх газар

он тусах - харвасан сум хамгийн хол тусах, хаймсах

он босгох - шав тэмдэг тавих

он тавих - шав тавих

он алдахгүй харваач - бай алдахгүй мэргэн харваач

Үг хувилгах зарчим

он нэр. ~ тоолол, оны, онд, оноос

• он жил - дэлхийн бөмбөрцөг нарыг бүтэн нэг тойрох хугацаа
• он сар - тухайн жил болон хоногийн тоо, цаг хугацаа
• он цаг - өвөл, хаврын хатуу цаг
• он цаг - цаг хугацаа

МОТ Манай Он Тоолол

НОТ Нийтийн Он Тоолол

НТӨ Нийтийн Он Тооллын Өмнөх

ХОТ Христийн Он Тоолол

Өдөр нь болж өндөг хагараад

Он нь тулж оосор тасрах

Он тутам утаа нэмж

Утаанд оч нэмж

Жил тутам жинс нэмж

Жинсэнд гээл нэмэх

Тайлбар: албан тушаал улам ахих