സ്വാമിത്തുമ്പി
| സ്വാമിത്തുമ്പി Pied Paddy Skimmer | |
|---|---|
| |
| ആൺതുമ്പി | |
| |
| പെൺതുമ്പി | |
| ശാസ്ത്രീയ വർഗ്ഗീകരണം | |
| കിങ്ഡം: | |
| Phylum: | |
| Class: | |
| Order: | |
| Suborder: | |
| Family: | |
| Genus: | |
| Species: | N. tullia
|
| Binomial name | |
| Neurothemis tullia (Drury, 1773)
| |
| Synonyms | |
| |
തെക്കനേഷ്യയിലും തെക്കു-കിഴക്കനേഷ്യയിലും സാധാരണയായി കാണപ്പെടുന്ന ഒരിനം കല്ലൻ തുമ്പിയാണ് സ്വാമിത്തുമ്പി. ഇംഗ്ലീഷിൽ Pied Paddy Skimmer എന്ന പേരിൽ അറിയപ്പെടുന്നു (ശാസ്ത്രീയനാമം:Neurothemis tullia).[2][1] കേരളത്തിലെ നാട്ടിൻപുറങ്ങളിലും വയൽപ്രദേശങ്ങളിലും ഇവയെ ധാരാളമായി കാണാം. ആൺതുമ്പിയുടെ ചിറകുകളുടെ നിറവിന്യാസം ശബരിമല തീർത്ഥാടകരുടെ വസ്ത്രധാരണത്തെ അനുസ്മരിപ്പിക്കുന്നതിനാലാണ് ഇവയെ സ്വാമിത്തുമ്പി എന്ന് വിളിക്കുന്നത്[3] .
വിവരണം
[തിരുത്തുക]ആൺതുമ്പിയും പെൺതുമ്പിയും കാഴ്ച്ചയിൽ വളരെ വ്യത്യാസപ്പെട്ടിരിക്കുന്നു. ശരീരം കറുപ്പുനിറത്തിൽ വെള്ള പുള്ളികളോട് കൂടിയ ആൺതുമ്പികളുടെ ചിറകിന്റെ അഗ്രഭാഗം സുതാര്യവും വെള്ളവരകൾ നിറഞ്ഞതുമാണ്. ആൺതുമ്പികളെ അപേഷിച്ച് പെൺതുമ്പികളുടെ ചിറകുകളിൽ കറുപ്പു പൊട്ടുകളുണ്ട്, കൂടാതെ ചിറകുകൾ ഇളം മഞ്ഞ നിറത്തിൽ കൂടുതൽ സുതാര്യവുമാണ്[3].[4][5][6][7][8]
ആൺതുമ്പി
[തിരുത്തുക]ആൺതുമ്പിയുടെ മുഖം കറുത്തിട്ടാണ്. കണ്ണുകളുടെ മുകൾ പകുതി ഇരുണ്ട കറുത്ത നിറത്തിലും താഴ്ഭാഗം വയലറ്റ് നിറത്തിലും കാണപ്പെടുന്നു. കറുപ്പ് നിറത്തിലുള്ള ഉരസ്സിൽ ക്രീം നിറത്തിലുള്ള വരകൾ കാണാം. നീല കലർന്ന കറുപ്പ് നിറത്തിലുള്ള ചിറകുകളുടെ അറ്റം സുതാര്യമാണ്. ചിറകുകളുടെ കറുപ്പ് നിറം അവസാനിക്കുന്ന ഭാഗത്ത് വെളുത്ത നിറം വ്യാപിച്ചു കാണപ്പെടുന്നു. കറുത്ത ഉദരത്തിന്റെ മുകൾ ഭാഗത്തായി വീതിയേറിയ വെള്ള വരകൾ കാണാം[3][4][6].
പെൺതുമ്പി
[തിരുത്തുക]പെൺതുമ്പിയുടെ മുഖം മഞ്ഞ നിറത്തിലാണ്. ക��്ണുകൾ വിളറിയ തവിട്ടു നിറത്തിലുള്ളതാണ്. പച്ച കലർന്ന മഞ്ഞ നിറത്തിലുള്ള ഉരസ്സിന് മുകൾ ഭാഗത്തായി തിളങ്ങുന്ന മഞ്ഞ നിറത്തിലുള്ള ഒരു വര കാണാം. ഉരസ്സിനോട് ചേർന്ന ഭാഗത്ത് തിളങ്ങുന്ന മഞ്ഞ നിറത്തിൽ കാണപ്പെടുന്ന ചിറകുകളുടെ അഗ്രഭാഗം ഇരുണ്ട കറുത്ത നിറത്തിലാണ്. നേരിയ മഞ്ഞ നിറത്തിൽ സുതാര്യമായ ചിറകിൽ അവിടവിടെയായി കറുത്ത നിറം വ്യാപിച്ചു കാണപ്പെടുന്നു. തിളങ്ങുന്ന മഞ്ഞ നിറത്തിലുള്ള ഉദരത്തിന്റെ മുകൾ ഭാഗത്ത് വീതിയേറിയ കറുപ്പ് വര കാണാം. പുറമേക്ക് മഞ്ഞ നിറത്തിലുള്ള കാലുകളുടെ ഉൾവശത്തിന് കറുപ്പ് നിറമാണ്[3][4][6].
ആവാസവ്യവസ്ഥ/വാസസ്ഥാനം
[തിരുത്തുക]പാടശേഖരങ്ങളിലും കുളങ്ങൾക്കരികിലും ധാരാളമായി കാണപ്പെടുന്ന ഒരു തുമ്പിയാണ് സ്വാമിത്തുമ്പി. വളരെ സാവധാനത്തിലാണ് സ്വാമിത്തുമ്പിയുടെ പറക്കൽ. നിലത്തോട് ചേർന്ന് കിടക്കുന്ന ചെറിയ മരച്ചില്ലകളും പുല്ലുകളുമെല്ലാം ഇവയുടെ ഇഷ്ട ഇരിപ്പിടങ്ങളാണ്. നെല്പാടങ്ങൾക്കിടയിലുള്ള തോടുകൾ ഇവയുടെ ഇഷ്ട കേന്ദ്രങ്ങളാണ്. ആൺതുമ്പികളും പെൺതുമ്പികളും ചേർന്നുള്ള ചെറിയ കൂട്ടങ്ങളായി ഇവയെ കാണാം. ആൺതുമ്പികൾ അധീനപ്രദേശം കാത്തുസൂക്ഷിക്കുന്ന സ്വഭാവക്കാരാണ്. ചതുപ്പുകളിലും ചെറു കുളങ്ങളിലുമാണ് ഇവ സാധാരണയായി മുട്ടയിടുന്നത്. കേരളത്തിൽ വർഷം മുഴുവനും സ്വാമിത്തുമ്പിയെ കാണാം. ജൂലൈ മുതൽ സെപ്റ്റംബർ വരെയുള്ള സമയങ്ങളിലാണ് ഇവയെ കൂടുതലായി കാണാറുള്ളത്[3][4][6].
ചിത്രശാല
[തിരുത്തുക]-
പെൺ സ്വാമിത്തുമ്പി, കൂവേരിയിൽ നിന്നും -
പെൺ സ്വാമിത്തുമ്പി, കൂവേരിയിൽ നിന്നും -
ആൺ സ്വാമിത്തുമ്പി, കൂവേരിയിൽ നിന്നും -
ആൺ സ്വാമിത്തുമ്പി -
സ്വാമിത്തുമ്പി, അങ്കമാലി കിടങ്ങൂരിൽനിന്നും -
സ്വാമിത്തുമ്പി, മടിക്കൈ അമ്പലത്തുകരയിൽ -
പെൺതുമ്പി
ഇതും കാണുക
[തിരുത്തുക]അവലംബം
[തിരുത്തുക]- ↑ 1.0 1.1 Dow, R.A. (2009). "Neurothemis tullia". IUCN Red List of Threatened Species. 2009: e.T163754A5646477.
- ↑ "World Odonata List". Slater Museum of Natural History. Archived from the original on 2021-10-05. Retrieved 2017-03-18.
- ↑ 3.0 3.1 3.2 3.3 3.4 Kiran, C.G. & Raju, D.V (2013). Dragonflies & Damselflies of Kerala. Kottayam: Tropical Institute of Ecological Sciences. p. 120.
{{cite book}}: CS1 maint: multiple names: authors list (link) - ↑ 4.0 4.1 4.2 4.3 C FC Lt. Fraser (1936). The Fauna of British India, including Ceylon and Burma, Odonata Vol. III. Red Lion Court, Fleet Street, London: Taylor and Francis. pp. 360–362.
- ↑ C FC Lt. Fraser (1924). A Survey of the Odonate (Dragonfly) Fauna of Western India and Descriptions of Thirty New Species (PDF). p. 437.
- ↑ 6.0 6.1 6.2 6.3 Subramanian, K. A. (2005). Dragonflies and Damselflies of Peninsular India - A Field Guide.
- ↑ "Neurothemis tullia Drury, 1773". India Biodiversity Portal. Retrieved 2017-03-18.
- ↑ "Neurothemis tullia Drury, 1773". Odonata of India, v. 1.00. Indian Foundation for Butterflies. Retrieved 2017-03-18.
പുറത്തേക്കുള്ള കണ്ണികൾ
[തിരുത്തുക]
സ്വാമിത്തുമ്പി എന്ന ജീവവർഗ്ഗവുമായി ബന്ധപ്പെട്ട വിവരങ്ങൾ വിക്കിസ്പീഷിസിൽ കാണുക.
സ്വാമിത്തുമ്പി എന്ന വിഷയവുമായി ബന്ധമുള്ള കൂടുതൽ പ്രമാണങ്ങൾ (വിക്കിമീഡിയ കോമൺസിൽ)
